2011 jylǵy 7-Qysqy Azıada oıyndarynyń Alaýy Shymkentke jetti
ShYMKENT. 14 qańtar. QazAqparat /Tatıana Pylaeva/ - 2011 jylǵy 7-Qysqy Azıada oıyndarynyń alaýy Shymkentke kelip jetti.
Áýejaıda alaýgerler men Estafeta dırektsııasynyń ókilderin Ońtústik Qazaqstan oblysy ákiminiń orynbasary Álı Bektaev, oblystyq týrızm, dene shynyqtyrý jáne sport basqarmasynyń bastyǵy Polat Qyryqbaev, Shymkent qalasynyń ákimi Arman Jetpisbaev pen «Qazaqstan halyq banki» AQ-nyń ońtústiktegi fılıal dırektory Ánýar Maqulbaev qarsy aldy.
Áýejaıdaǵy jyly kezdesýden keıin uıymdastyrý komıtetiniń ókilderi shaǵyn baspasóz máslıhatyn ótkizdi. Olar Estafeta dırektsııasynyń mindetteri, Olımpıada alaýynyń tarıhy men ereksheligi týraly aıtty. Alaý estafetasy dırektsııasy jetekshisiniń orynbasary Sársen Quranbek alaýdyń basty sapasy -onyń úzdiksiz janyp turýynda ekenin jetkizdi. «Alaýdy óshirý múmkin emes», - dedi S.Quranbek.
Túnde Alaý Halyq bankke saqtalýǵa tapsyrylǵan. Juma kúni túste Alaý estafetasy Shymkent arqyly ótedi. Taltúste Ońtústik Qazaqstan oblysynyń ákimi Asqar Myrzahmetov ıppodromda alaýdy alyp júrýdi bastaıdy. Shymkent qalasyndaǵy alaýdy 60 adam alyp ótpek.
