2011 jylǵy 1 shildeden bastap Eýro-3 standarty engiziledi
ASTANA. 16 naýryz. QazAqparat - Qazaqstan Respýblıkasy Úkimetiniń 2007 jylǵy 29 jeltoqsandaǵy № 1372 qaýlysymen bekitilgen «Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń zııandy (lastaýshy) zattar shyǵaryndylaryna qoıylatyn talaptar» tehnıkalyq reglamentine sáıkes,
respýblıka aýmaǵynda 2011 jylǵy 1 shildeden bastap 3-ekologııalyq kezeńge (Eýro-3) sáıkes zııandy zattar shyǵaryndylary boıynsha avtokólik quraldaryna qoıylatyn talaptar engiziledi. Osy kúnnen bastap qoıylǵan talaptarǵa sáıkes kelmeıtin avtokólik quraldaryn ákelýge jáne óndirýge tyıym salynatyn bolady. Bul týraly QazAqparat Kólik jáne kommýnıkatsııa mınıstrligine silteme jasap habarlaıdy.
Bul rette Qazaqstan Respýblıkasynyń aýmaǵynda qazirdiń ózinde paıdalanylyp júrgen avtomobılder 3-ekologııalyq kezeńniń talaptaryna kirmeıdi, sondyqtan tolyq isten shyqqanǵa deıin paıdalynatyn bolady. Qazaqstan Respýblıkasy aýmaǵynda aınalymǵa shyǵarylatyn avtokólik quraldarynyń sáıkestigin rastaý «Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń zııandy (lastaýshy) zattar shyǵaryndylaryna qoıylatyn talaptar týraly» tehnıkalyq reglamentterge (2007 jylǵy 29 jeltoqsandaǵy №1372) jáne «Avtokólik quraldarynyń qaýipsizdigine qoıylatyn talaptarǵa» (2008 jylǵy 9 shildedegi №675) sáıkes júzege asyrylady. Avtomobılderdiń 3-ekologııalyq kezeńniń talaptaryna sáıkestigin rastaý myna tártipte júzege asyrylady: 1) buryn paıdalanýda bolǵan kólikter úshin - tómende kórsetilgen keste boıynsha, shyǵarylǵan jyly men óndirýshi eline qaraı; 2) tómende kórsetilgen kestede avtomobılderdiń shyǵarylǵan eli kórsetilmegen jaǵdaıda - zerthanalyq synaqtar nátıjeleri boıynsha.
Avtokólik quraldarynyń jáne qozǵaltqyshtarynyń
3-ekologııalyq kezeńniń talaptaryna sáıkestik kestesi,
shyǵarylǵan jyldaryna qaraı
|
Avtomobıl jáne/nemese oǵan arnalǵan qozǵaltqyshty shyǵarǵan el |
3-ekologııalyq kezeńniń talaptaryna sáıkes keletin kólik quraldarynyń shyǵarylǵan jyldary |
|
Eýropalyq odaqqa * kiretin, janarmaı qozǵaltqyshtary |
2001 jyldan bastap jáne odan keıin |
|
Eýropalyq odaqqa kiretin *, dızelder |
2002 jyldan bastap jáne odan keıin |
|
AQSh |
2001 jyldan bastap jáne odan keıin |
|
Japonııa |
2005 jyldan bastap jáne odan keıin |
|
Kanada |
2004 jyldan bastap jáne odan keıin |
|
Úndistan |
2010 jyldan bastap jáne odan keıin |
|
Qytaı |
2008 jyldan bastap jáne odan keıin |
|
Koreıa |
2003 jyldan bastap jáne odan keıin |
|
Reseı |
2008 jyldan bastap jáne odan keıin |
|
Ýkraına |
2010 jylǵy 1 shildeden bastap jáne odan keıin |
|
Belarýs |
2008 jyldan bastap jáne odan keıin |
|
Ózbekstan |
2010 jyldan bastap jáne odan keıin |
