2011 jyldyń jeltoqsan aıynda elimizdegi ınflıatsııa deńgeıi 0,3 paıyzdy qurady

Bul týraly QR Statıstıka agenttiginen málimdedi.

Agenttik málimetterine qaraǵanda baǵa azyq-túlik taýarlaryna 2011 jyldyń eltoqsan aıynda 0,3 paıyz, azyq-túlik emes taýarlaryna - 0,4 paıyz, aqyly qyzmetterge - 0,2 paıyzǵa ósti.

Esepti kezeńde baǵanyń joǵarylaýy jumyrtqaǵa 3,2 paıyz, etke, jańa jınalǵan jemister men kókónisterge - 1 paıyzdan, balyq jáne teńiz ónimderine - 0,9 paıyz, sút ónimderine - 0,7 paıyz, toqash jáne unnan daıyndalatyn kondıterlik ónimderge - 0,6 paıyz, alkogolsiz sýsyndarǵa - 0,5 paıyzǵa tirkeldi. Baǵanyń tómendeýi qantqa 5,6 paıyz, jarmalarǵa - 3,2 paıyz, unǵa - 2,1 paıyz, kartopqa - 1,9 paıyz, ósimdik maıyna - 1,4 paıyz, kúrishke - 1,2 paıyzǵa belgilendi.

Budan bólek, baǵa dızel otynyna 0,8 paıyz, qatty otynǵa - 1,7 paıyz, motor maıyna - 2 paıyzǵa ósti. Baǵa ósimi jeke kútimge arnalǵan taýarlarǵa 0,6 paıyzdy, úı turmysyna qajetti zattaryna - 0,5 paıyzdy, kıim jáne aıaq kıimge - 0,4 paıyz, farmatsevtıkalyq ónimderge - 0,2 paıyzdy qurady.

Al demalys, oıyn-saýyq jáne mádenıet salasyndaǵy qyzmetteri 0,3 paıyz, densaýlyq saqtaý - 0,4 paıyz, shashtarazdar men jeke qyzmet kórsetý oryndary - 0,6 paıyz, meıramhanalar men qonaq úıler - 0,7 paıyz, kómý - 1,2 paıyzǵa qymbattaǵan.