2011 jyldyń jeltoqsan aıynda azyq-túlik baǵasy 2010 jylǵa jeltoqsanǵa qaraǵanda 9,1 paıyzǵa ósken
ASTANA. 4 qańtar. QazAqparat /Qanat Mámetqazyuly/ - 2011 jylǵy jeltoqsanda azyq-túlik taýarlarynyń baǵasy 2010 jylǵy jeltoqsanmen salystyrǵanda 9,1 paıyzǵa ósti.
Bul týraly QR Statıstıka agenttiginen habarlandy.
Málimetter boıynsha, 2011 jylǵy jeltoqsanda 2010 jylǵy tıisti aımen salystyrǵanda baǵa jarmaǵa 43,3 paıyz, sút ónimderine - 8,9 paıyz, maı jáne toń maıǵa - 8,3 paıyz, kondıterlik ónimderge - 8,1 paıyz, toqash pen un ónimderine - 7,1 paıyz, makaron ónimderine - 6,8 paıyz, kofe, shaı jáne kakaoǵa - 6,6 paıyz, unǵa - 5,7 paıyz, alkogoldi ishimdikterge - 5 paıyz, nanǵa - 2,5 paıyzǵa ósti. Baǵanyń tómendeýi qantqa 12,7 paıyz shamasynda, al jemister men kókónisterge - 3,5 paıyz deńgeıinde baıqaldy.
Atalǵan kezeńde et jáne et ónimderi baǵasynyń ósimi 23,2 paıyzdy qurady. Qoı etine baǵa deńgeıi 30,3 paıyz, jylqy etine - 21,5 paıyz, shujyq ónimderine - 12,9 paıyz, shoshqa etine - 12,4 paıyz, qus etine - 6,5 paıyzǵa joǵary boldy.
