2011 jyldyń sońynda babalbaqshalardaǵy oryn tapshylyǵy máselesi 80-90 paıyzǵa deıin sheshiledi - qala ákimi I.Tasmaǵambetov
sp;ASTANA. Qarashanyń 27-si. QazAqparat - Balabaqshalardaǵy oryn tapshylyǵy máselesin sheshý úshin tórt baǵyttaǵy baǵdarlama ázirlendi. Bul týraly Astana ákimi Imanǵalı Tasmaǵambetov Premer-Mınıstr Kárim Másimovtiń qatysýymen qarashanyń 26-synda elorda balabaqshalarynda ótken kóshpeli keńeste málim etti,
dep habarlaıdy QazAqparat.
Qala basshysynyń aıtýynsha, qazirgi kezde elorda balabaqshalarynda 28 myńǵa jýyq oryn jetispeıdi, sonyń ishinde 20 myń bóbektiń jedel ornalasýy qajet kórinedi. Atap aıtarlyǵy, Memleket basshysynyń tapsyrmasyna sáıkes, Astana ákimdigi balalarǵa oryn jetispeýshiligi máselesin oń sheshýde. Máselen, balabaqsha tabaldyryǵyn attaýǵa zar bolyp otyrǵan bóbekter úshin tórt baǵyttaǵy baǵdarlama jasalǵan. «Birinshiden, elordanyń kóshirilýine baılanysty memlekettik organdarǵa berilgen ǵımarattar qaıtarylyp alynady. Olardyń sany - 14. Premer-Mınıstrdiń tapsyrmasyna sáıkes, olar tıisti jóndeý jumystary júrgizilgen soń, ákimdikke qaıtarylady. ıAǵnı, budan 4 myńǵa jýyq balany balabaqshamen qamtamasyz ete alamyz», - dedi I. Tasmǵambetov.
Ekinshi baǵyt - ákimdik qurylysyn aıaqtaıtyn turǵyn úılerdiń birinshi qabatynan balabaqsha ashý máselesin qolǵa alady. Bul maqsatqa elordadaǵy 15 turǵyn úıden 16,3 myń sharshy metrdi paıdalaný josparlanyp otyr. Máselen, aǵymdaǵy jyldyń jeltoqsan aıynda «Oqjetpes», «Eýropalyq» jáne «Táýelsizdik» turǵyn úı keshenderindegi bos oryndar ýaqytsha balabaqshalar toptaryna beriledi. Úshinshi jáne tórtinshi baǵyttar - memlekettiń jáne jeke adamdardyń qarajatyna jańa balabaqshalar turǵyzý. «Kelesi jyly biz kishkentaı turǵyndarymyzdy balabaqshalarmen qamtý úshin 11 myń oryndy paıdalanýǵa beremiz. 2011 jyly taǵy da 20 balabaqshany salyp bitirýdi josparlap otyrmyz. Osylaısha, 2011 jyldyń sońynda bóbekjaılardaǵy oryn tapshylyǵy máselesi 80-90 paıyzǵa deıin sheshiledi», - dep málimdedi elorda basshysy.
Esterińizge sala keteıik, qarashanyń 13-inde tikeleı efırde qazaqstandyqtarmen suhbattasqan Memleket basshysy Nursultan Nazarbaev balabaqshalar máselesiniń bilim berý júıesindegi basym baǵyttardyń biri ekenin atap aıtqan edi. «Dúnıejúzilik banktiń sońǵy zertteýlerine sáıkes, ár adam óziniń ómirindegi 80 paıyz aqparatty - týǵannan bastap 6 jasqa deıingi kezeńde ıgeredi eken. Sondyqtan bul kezeńde balabaqshalar men bilim berýdi damytý biz úshin óte mańyzdy», - dep sózin túıindedi kóshpeli keńeste Premer-Mınıstr K. Másimov.
