2011 jyldyń shilde aıynan beri Astanadaǵy neonataldy hırýrgııany damytý jónindegi Úılestirý ortalyǵynda 81 nárestege operatsııa jasaldy
ASTANA. 17 aqpan. QazAqparat - 2011 jyldyń shilde aıynan beri «Ulttyq medıtsınalyq holdnıg» aktsıonerlik qoǵamynyń aıasynda Astanada qurylǵan neonataldy hırýrgııany damytý jónindegi Úılestirý ortalyǵynyń bazasynda 81 nárestege operatsııa jasaldy.
Bul týraly búgin Ana men bala ortalyǵynda neonataldy hırýrgııany damytý máselesine baılanysty ótken baspasóz máslıhatynda málim boldy.
«Ulttyq medıtsınalyq holdıng» aktsıonerlik qoǵamy Basqarma tóraǵasynyń orynbasary Tamara Voşenkovanyń málimetterinshe,
bul kórsetkish 2010 jyldyń sáıkes merzimindegi derektermen salystyrǵanda 2 esege kóp. Al náresteler ólimi 43 paıyzdan 29 paıyzǵa deıin kemidi. ıAǵnı ótken jyly úılestirý ortalyǵynyń mamandary 13 náresteni ólim aýzynan alyp qalǵan. Jedel túrde operatsııa jasaýdy ásirese, júreginde aqaýymen týylǵan balalar qajat etedi.
«Osy rette «Ulttyq medıtsınalyq holdıng» aktsıonerlik qoǵamy, «Neırohırýrgııa respýblıkalyq ǵylym ortalyǵy», «Kardıohırýrgııa ulttyq ǵylym ortalyǵy», «Ana men bala ǵylym ortalyǵy» ujymdarynyń úılestirilgen jumysy men respýblıkalyq sanıtarlyq avıatsııa múmkindikteri jedel túrde joǵary deńgeıdegi mamandandyrylǵan kómek kórsetýge jaǵdaı jasaıtyndyǵyn aıta ketý kerek»,-deıdi Basqarma tóraǵasynyń orynbasary.
