2011 jyldyń qorytyndysy boıynsha Iran jan basyna shaqqandaǵy ólim jazasyn qoldaný boıynsha álemdik «kóshbasshy» atandy
BRıÝSSELЬ. 6 qańtar. QazAqparat /Dımash Syzdyqov/ - Eýroodaq Irannyń 2011 jyldyń qorytyndysy boıynsha jan basyna shaqqandaǵy ólim jazasyn qoldaný boıynsha álemdik «kóshbasshy» atanǵanyna baılanysty mazasyzdanyp otyr.
Bul týraly Brıýsselde EO-nyń syrtqy ister jáne qaýipsizdik saıasaty boıynsha joǵarǵy ókili Ketrın Eshton málim etti.
«Men Iranda 2011 jyly bolǵan ólim jazasynyń sany boıynsha qatty mazasyzdanyp otyrmyn. Bul jalpyálemdik ólim jazasyn boldyrmaý úrdisine qaıshy kelip tur. Túrli derekkózderdiń habarlamalary boıynsha, Iranda ótken jylǵy ólim jazalarynyń sany jańa tarıhta eń joǵary boldy, bul Irandy álem boıynsha jan basyna shaqqandaǵy ólim jazasyna kesýde jetekshi elge aınaldyryp otyr», - dedi K.Eshton.
Eýropalyq dıplomatııalyq qyzmettiń basshysy 2011 jyly sottyń isterdi ádiletsiz qarastyrýynan keıin Iranda júzdegen adam ólim jazasyna kesilgenin atap ótti. Olarǵa apellıatsııaǵa berýge quqyǵy berilmedi, sondaı-aq bul adamdardyń jasaǵan qylmystary, halyqaralyq standarttarǵa sáıkes, ólim jazasy túrindegi jazalaýǵa aparmaýy tıis edi.
Osyǵan baılanysty EO-tyń joǵarǵy ókili Irandy jáne ólim jazasyna kesýdi saqtaýdy talap etetin basqa memleketterge ólim jazasyn qoldanýdy qoıyp, oǵan moratorıı engizýge shaqyryp otyr.
