2011 jyldyń qańtarynan bastap Keden odaǵy keńistiginde kólik quraldary kedendik deklaratsııasynyń jańa formasy qoldanyla bastaıdy

Keden odaǵy Komıssııasynyń baspasóz qyzmetinen habarlaǵandaı, keshe, qazannyń 14-i kúni Máskeýde ótken Keden odaǵy Komıssııasynyń jıyrmasynshy májilisiniń qorytyndysy boıynsha kólik quraldary kedendik deklaratsııasynyń jańa formasy men ony toltyrýdyń reti týraly Nusqaýlyq bekitildi.

«Jańa forma men nusqaýlyq 2011 jyly qańtardyń 1-inen bastap kúshine enedi. Oǵan deıin Halyqaralyq tasymaldaýdyń kólik quraldaryn ýaqytsha ákelý men ýaqytsha áketý maqsattary úshin Keden odaǵy elderiniń zańnamalarymen bekitilgen qujattar formasy men olardy toltyrýdyń nusqaýlyqtary qoldanyla beredi», delingen habarlamada.