2011 jyldyń qańtar men tamyzyndaǵy negizgi kapıtalǵa salynǵan ınvestıtsııalar kólemi 2771,4 mıllıard teńgeni qurady
ASTANA. 14 qyrkúıek. QazAqparat - «2011 jyldyń qańtar jáne tamyz aılaryndaǵy qysqamerzimdi ekonomıkalyq ındıkator 2010 jyldyń sáıkes merzimimen salystyrǵanda 106,1% qurady»,-dep habarlaıdy Statıstıka agenttigi.
Agenttik málimetterine qaraǵanda, qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne jalpy ishki ónimniń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi. 2011 jyldyń qańtar men tamyzyndaǵy negizgi kapıtalǵa salynǵan ınvestıtsııalar kólemi 2771,4 mıllıard teńgeni qurady. Bul ótken jyldyń sáıkes kezeńimen salystyrǵanda 0,9% kóp.
