2011 jyldyń qańtar, aqpan aılaryndaǵy 3 jáne 4 synypty astyq fıýchersiniń baǵasy ósti - Qor bırjasynyń kúndizgi sessııasy
ALMATY. Tamyzdyń 17-si. QazAqparat /Erbol Azanbek/ - Búgin «Eýrazııalyq saýda júıesi» (ESJ) taýar bırjasynda qyrkúıek, qazan, qarasha jeltoqsan jáne 2011 jyldyń qańtar, aqpan aılarynda oryndalýy tıis 3 jáne 4 synypty astyq fıýchersteriniń kezekti saýdasy ótti.
Kúndizgi sessııanyń qorytyndysy boıynsha ESJ-niń jedel satylym naryǵynda 32 jetkizilim kelisim-sharty jasalynyp, aınalym 48 945 000 teńgeni qurady. Qyrkúıek aıyndaǵy 3 synypty fıýchers qazirgi baǵamnan 100 teńgege qymbattap, tonnasyna 23 620 teńgeni qurady. Qazan aıyndaǵy astyq baǵasy 50 teńgege tómendep, 23 820 tege bolsa, qarasha aıyndaǵy baǵam 110 teńgege kóterildi. Tonnasyna 24 220 teńge. Jeltoqsandyq fıýcherstiń baǵasy 110 teńgege ósip, tonnasyna 24 470 teńge boldy. 3 synypty astyq úshin 2011 jyldyń qańtar aıyndaǵy fıýchers baǵasy 230 teńgege ósip, 24 270 teńge, aqpan aıyndaǵy baǵa 370 teńgege ósip, 24 970 teńge boldy. 4-shi synypty astyq úshin de 2011 jyldyń qańtar, aqpan aıyndaǵy baǵamy joǵary bolyp otyr. Kúndizgi sessııa barysynda 4 synypty astyq úshin qańtar aıyndaǵy fıýchers baǵasy 50 teńgege ósip, 23 270 teńgeni, aqpan aıyndaǵy 50 teńgege qymbattap, 23 250 teńge boldy. Al bıylǵy qyrkúıekte oryndalatyn 4-shi synypty astyq fıýchersi 21 770 teńge, qazan aıyndaǵy baǵa 50 teńgege qymbattap, tonnasyna 22 380 teńgeni qurady. Qarasha men jeltoqsan aıyndaǵy astyq baǵamy 50 teńgege ósip, tıisinshe 22 640, 22980 teńgeni qurady. Esterińizge sala keteıik «ESJ» taýar bırjasy qurylǵan ýaqyttan beri 94,4 mıllıard teńgeniń kelisimsharttary júzege asyryldy.
