2011 jyldyń birinshi jartyjyldyǵynda ana ólimi 1,6 ese tómendedi

Bul týraly búgin elordada QR Densaýlyq saqtaý mınıstrligi Ana men balany qorǵaý basqarmasynyń bastyǵy Maǵrıpa Embergenova málim etti.

«Birinshi jartyjyldyqtyń qorytyndysy boıynsha ana ólimi 1,6 ese tómendedi, al bala shetineýi turaqty túrde 15 paıyzǵa qysqaryp keledi», - dedi ol «Reprodýktıvti densaýlyq jáne quqyq úshin birlesip kúresý» halyqaralyq konferentsııasy barysynda.

Onyń atap ótýinshe, sońǵy jyldary elimizde densaýlyq saqtaý salasynda oń úrdis baıqalyp otyr. «2007-2010 jyldary aralyǵynda negizgi áleýmettik-demografııalyq kórsetkishter jaqsarýda. Halyqtyń tabıǵı ósimi jaqsaryp, týý kóbeıýde. Halyq arasyndaǵy ólim-jitim tómendedi. Respýblıka boıynsha ortasha ómir súrýdiń kútiletin uzaqtyǵy 2 jylǵa ósti», - dedi ol.