2011 jyldyń basynan beri memlekettik satyp alýdaǵy qazaqstandyq qamtýdyń úlesi 60,3 paıyzdy qurady
Bul týraly Indýstrııa jáne jańa tehnologııalar mınıstrliginiń Jergilikti qamtýdy damytý jónindegi «NADLoC» ulttyq agenttiginiń baspasóz qyzmetinen habarlady.
Onyń ishinde 37 838,3 mıllıon teńge soma memlekettik satyp alýdyń úlesi bolsa, ondaǵy otandyq taýarlardyń satyp alynǵan úlesi - 16 262 mıllıon teńge, ıaǵnı satyp alynǵan jalpy taýarlardyń 43 paıyzyn qazaqstandyq qamtý qurap otyr.
Sondaı-aq memlekettik satyp alýdyń aıasynda 8 529,7 mıllıon teńge somanyń jumystary atqaryldy, onyń ishinde otandyq jetkizýshiler atqarǵan jumystyń úlesi 6 934,9 mıllıon teńgeni, ıaǵnı jalpy atqarylǵan jumystyń 81,3 paıyzyn quraıdy.
Memlekettik satyp alýdyń aıasynda kórsetilgen qyzmetterge keler bolsaq, jalpy alǵanda 18 202,3 mıllıon teńgeniń qyzmeti kórsetildi, onyń ishinde otyndyq qyzmet kórsetýshilerdiń úlesi - 15 734,2 mıllıon teńgeni, ıaǵnı jalpy kórsetkishtiń 86,4 paıyzyn qurady.
