2011 jyldyń aıaǵyna deıin qurylys salasynda 2 myńnan astam jumys orny ashylady
búginde osy salada atqarylyp jatqan jumystyń nátıjesi pysyqtaldy.
Osyǵan oraı ótken jıynda QR Indýstrııa jáne jańa tehnologııalar mınıstrliginiń Ónerkásip komıteti tóraǵasynyń orynbasary Dáýlet Baqbergen atap kórsetkendeı, baǵdarlama qolǵa alynǵan bir jarym jyldyń ishinde otandyq qurylys salasynda 97 mlrd. teńgege 55 joba júzege asyrylyp, 4 myńnan astam jumys orny ashyldy. «Bıylǵy jyldyń aıaǵyna deıin 43 mlrd. teńgege baǵalanyp otyrǵan taǵy 21 joba qolǵa alynyp, 2 myńnan astam jańa jumys orny qurylady degen jospar bar», - deıdi D.Baqbergen. Al «Qazaqstanda shyǵarylǵan» degen aıdary bar qurylys materıaldary áli de ımportqa tótep bere almaı jatyr. 2008 jylmen salystyrǵanda, búginde qurylys salasyndaǵy ımport deńgeıi tek bir-aq paıyzǵa ǵana tómendetildi.
Aıta keteıik, «2010-2014 jyldary Qazaqstan Respýblıkasynda qurylys materıaldaryn óndirý jáne qurylys ındýstrııasyn damytý baǵdarlamasynyń» negizgi maqsaty - 4 jyldyń ishinde qurylys naryǵynyń ishki suranysty 80 paıyzǵa qamtamasyz etip, eńbek ónimdiligin barynsha arttyrý.
