2011 jyldyń 9 aıynda zańnama talaptaryn oryndamaǵany úshin ken oryndaryn paıdalanýshylarǵa 200-ge jýyq eskertý jasaldy

ASTANA. 18 qarasha. QazAqparat /Rýslan Ǵabbasov/ - 2011 jyldyń 9 aıynda zańnama talaptaryn saqtamaǵany úshin ken oryndaryn paıdalanýshylarǵa 200-ge jýyq eskertý jasaldy.

Bul týraly búgin Astanada qazaqstandyq qamtýdy damytý máselesine arnalǵan keńeste Indýstrııa jáne jańa tehnologııalar mınıstrliginiń Qazaqstandyq qamtýdy damytý departamentiniń dırektory Serik Kámeli aıtty.

Atap aıtqanda, bıylǵy 9 aıdyń qorytyndysy boıynsha zańnama talaptaryn oryndamaǵany úshin, ıaǵnı onyń ishinde qazaqstandyq qamtý sharttaryn eskermegeni úshin ken oryndaryn paıdalanýshylarǵa 192 eskertý jiberildi. S. Kámeliniń sózine qaraǵanda, sonymen qatar ken oryndaryn paıdalaný turǵysynda 24 kelisimsharttan bas tartyldy.