2011 jyldyń 9 aıynda Qazaqstannyń syrtqy saýda aınalymy 40 paıyzdan astam kórsetkishke ósti - Q. Kelimbetov
TANA. 15 qarasha. QazAqparat /Rýslan Ǵabbasov/ - 2011 jyldyń 9 aıynda Qazaqstannyń syrtqy saýda aınalymy 40 paıyzdan astam kórsetkishke ósti.
Bul týraly búgin Úkimet otyrysynda bıylǵy on aıdyń áleýmettik-ekonomıkalyq damý qorytyndysy boıynsha baıandama jasaǵan Ekonomıkalyq damý jáne saýda mınıstri Qaırat Kelimbetov málim etti.
«Naqty ekonomıka sektoryndaǵy joǵary qarqyndy ósimmen syrtqy qolaıly konıýktýra syrtqy saýda aınalymynyń 41,3 paıyzǵa artýyna yqpal etti. Bıylǵy qańtar-qyrkúıek qorytyndysy boıynsha ol 91,9 mıllard AQSh dollaryn qurady», - dep atap ótti vedomstvo basshysy.
Sonymen qatar, mınıstr aǵymdaǵy jyldyń 9 aıynda taýar eksporty 49,9 paıyzǵa artqanyn nemese 65,8 mıllard AQSh dollaryn quraǵanyn jetkizdi. Al ımport atalǵan kezeńde 23,5 paıyzǵa joǵarylap, 26,1 mıllard AQSh dollaryn qurady.
