2011 jyldyń 8 aıynda ańshylyq ınspektorlary 28 brakonerlik faktisin anyqtady - QR AShM
ASTANA. 31 tamyz. QazAqparat /Muratbek Maqulbekov/ - Ústimizdegi jyldyń basynan bastap Qazaqstan Respýblıkasy Aýyl sharýashylyq mınıstrligi 28 brakonerlik faktisin anyqtady, dep habarlady QR AShM baspasóz qyzmeti.
Qazaqstanda ań aýlaý maýsymy ústimizdegi jyldyń 1 qyrkúıekte ashylyp, 31 jeltoqsanǵa deıin sozylady (janýarlar men qustardyń túrlerine baılanysty). 1 qyrkúıekten bastap maral, aıý, Sibir taýtekesin, Sibir eligin, qaban, shil jáne basqalardy aýlaýǵa ruqsat etiledi.
Ań aýlaý bekitilgen ańshylyq alqaptarynda ǵana júrgiziledi. Qazirgi kezde respýblıkada 680-nen astam ańshylyq sharýashylyǵy bar.
Ań aýlaý úshin:
1) tıisti jylǵa memlekettik baj tólengeni týraly belgi qoıylǵan ańshy kýáligi;
2) ań aýlaýǵa berilgen ruqsat;
3) ańshylyq sharýashylyǵy sýbektisiniń joldamasy;
4) ańshylyq atys qarýyn alyp júrý quqyǵyna ishki ister organdary bergen ruqsat bolýy qajet.
Janýarlar dúnıesin qorǵaýǵa, ósimin molaıtý jáne paıdalaný salasyndaǵy Qazaqstan Respýblıkasynyń zańnamasyn buzý Qazaqstan Respýblıkasynyń Zańdary belgilegen jaýapkershilik, ákimshilik, (qylmystyq) júkteıdi.
Ań aýlaý erejesin, sondaı-aq janýarlar dúnıesin paıdalanýdyń basqa túrlerin júzege asyrý erejesin buzǵan, qylmystyq jazalaý áreketiniń belgisi joq dárejede buzǵan tulǵalar úshin qylmystyq jaýapkershilik Qazaqstan Respýblıkasynyń Qylmystyq Kodeksiniń 288 babymen qarastyrylǵan. Basqa jaǵdaılarda «Ákimshilik quqyq buzýshylyq týraly» Qazaqstan Respýblıkasy Kodeksiniń 298 babyna sáıkes ákimshilik jaýapkershilik qarastyrylǵan.
Sońǵy 8 aı ishinde reıdtik sharalar barysynda respýblıka terrıtorııasynda 28 brakonerlik fakti anyqtaldy. Anyqtalǵan 4 fakti boıynsha ǵana memleketke keltirilgen zalal shamamen 25855600 teńgeni quraǵan. Qazirgi ýaqytta QR Aýyl sharýashylyq mınıstrliginiń oblystyq orman jáne ańshylyq sharýashylyǵynyń terrıtorııalyq ınspektsııalarymen qyzmettik tekseris júrgizilýde. Materıaldar quqyq qorǵaý organdaryna berildi. Kóbinde quqyq buzýshylar ákimshilik jaýapkershilikke tartylyp, qylmystyq is qozǵaldy.
