2011 jyldyń 11 aıynda qazaqstandyq úles 50 paıyzǵa artty - pm.kz saıty
ASTANA. 25 qańtar. QazAqparat - Elbasy Nursultan Nazarbaevtyń tapsyrmasy boıynsha ázirlengen Qazaqstan Respýblıkasynda 2010-2014 jyldarǵa arnalǵan qazaqstandyq úlesti damytý baǵdarlamasy otandyq bıznesti qoldaý jónindegi memlekettik sharalar júıesiniń mańyzdy bóliginiń biri boldy.
Úkimet Qazaqstan Respýblıkasynda 2010-2014 jyldarǵa arnalǵan qazaqstandyq úlesti damytý baǵdarlamasyn júzege asyrýda. Atalmysh baǵdarlama otandyq taýar, jumys jáne qyzmet óndirisinniń turaqty damýyna, sondaı-aq olardyń ishki naryqta satylýyna qosymsha jaǵdaı jasaýdy maqsat tutady.
pm.kz saıtynyń málimetine sáıkes, otandyq óńdeýshi ónerkásipte qazaqstandyq básekege qabiletti ónimniń ishki naryǵyn ósirýge qajetti áleýeti bar. 2011 jyldyń 11 aıyndaǵy qorytyndyǵa sáıkes, jalpy satyp alý kólemi 4,810 mlrd. teńgeni qurap, ondaǵy qazaqstandyq úles 50 paıyzdan asty.
Sonymen qatar, 2009 jylmen salystyrǵanda, munaı-gaz kesheninde jumys isteıtin kásiporyndardyń satyp alý úlesi 6 esege artty; júıe qurýshy kásiporyndarda jergilikti úles kórsetkishi 21% jetti, nemese 130 mlrd. teńgeden astam.
Baǵdarlama aıasynda «Qazaqstandyq úles» ınternet-portaly men «Jer qoınaýyn paıdalaný boıynsha júrgiziletin operatsııalar kezinde qoldanylatyn taýar, jumystar men qyzmetter tizimi» aqparattyq júıesin monıtorıng sýbektileriniń satyp alý josparlary jáne alynǵan taýar, jumystar men qyzmetter týraly eseptermen toltyrý jumystary júrgizilýde. Qazirgi tańda ınternet-portalda 20 myń kásiporyn men 2 myń qazaqstandyq óndirýshiler týraly aqparat jarııalanǵan.
2014 jyly jer qoınaýyn paıdalanýshylardyń satyp alýyndaǵy qazaqstardyq úles taýar boıynsha 16 paıyzǵa, qyzmet boıynsha 85 paıyzǵa jetedi dep josparlanǵan.
