2011 jyldyń 10 aıynda ishki jalpy ónim 7,2 paıyzǵa ósti - Qaırat Kelimbetov
TANA. 15 qarasha. QazAqparat /Rýslan Ǵabbasov/ - 2011 jyldyń 10 aıynda ishki jalpy ónim 7,2 paıyzǵa ósti.
Bul týraly búgin Úkimet otyrysynda bıylǵy on aıdyń áleýmettik-ekonomıkalyq damý qorytyndysy boıynsha baıandama jasaǵan Ekonomıkalyq damý jáne saýda mınıstri Qaırat Kelimbetov málim etti.
«Jyl basynan beri Qazaqstan ekonomıkasynda damýdyń ońtaıly úrdisi saqtalyp otyr. Aldyn ala baǵalaý boıynsha, 2011 jyldyń 10 aıynda, ıaǵnı ótken jyldyń osy kezeńimen salystyrǵanda ishki jalpy ónim 7,2 paıyzǵa ósti. Al qysqa merzimdi ekonomıkalyq ındıkator 10 aıdyń ishinde 7,1 paıyzdy qurady», - dep atap ótti mınıstr.
Onyń sózine qaraǵanda, eksporttyq baǵyttaǵy ónimge syrtqy baǵa konıýktıýrasynyń turaqtanýy men ishki suranystyń nyǵaıýy ishki naryqta taýar óndirisi men qyzmet kórsetýdiń ósimin qamtamasyz etti.
