2011 jyldyń 10 aıynda aýyl sharýashylyǵy óniminiń kólemi 22,8 paıyzǵa ósti - Ekonomıkalyq damý jáne saýda mınıstri
TANA. 15 qarasha. QazAqparat /Rýslan Ǵabbasov/ - 2011 jyldyń 10 aıynda aýyl sharýashylyǵy jalpy óniminiń óndiris kólemi 22,8 paıyzǵa ósti.
Buǵan ósimdik şarýashylyǵynyń 46 paıyzǵa joǵarylaýy áser etti. Bul týraly búgin Úkimet otyrysynda bıylǵy on aıdyń áleýmettik-ekonomıkalyq damý qorytyndysy boıynsha baıandama jasaǵan Ekonomıkalyq damý jáne saýda mınıstri Qaırat Kelimbetov málim etti.
Aıta keteıik, bıylǵy jyly elimiz joǵary astyq shyǵymdylyǵymen erekshelendi. Jalpy býnkerlik salmaqty 30 mıllıon tonnaǵa jýyq astyq bastyryldy.
Sonymen qatar, Q.Kelimbetovtyń sózine qaraǵanda bıyldyń on aıynda qurylys qarqynynyń ósimi 2,8 paıyzdy qurady. Esterińizge sala keteıik, ótken jyldyń osy kezeńinde bul kórsetkish 0,1 paıyzdy quraǵan edi.
