2011 jyldyń 1 qarashasynda Qazaqstan halqynyń sany 16 mln. 638 myń adam boldy
ASTANA. 14 jeltoqsan. QazAqparat /Gúlmıra Alıakparova/ - 2011 jyldyń 1 qarashasynda Qazaqstan halqynyń sany 16 mln. 638 myń adamdy qurady. Bul týraly búgin ótken baspasóz máslıhatynda QR Statıstıka agenttiginiń tóraǵasy Álıhan Smaıylov aıtty.
16 mln. 638 myń adamnyń 9 mln.88 myńy (54,6 paıyzy) - qalada, 7 mln. 549 myńy (45,4 paıyzy) - aýylda turady. Jyl basynan beri halyq sany 196 myńǵa nemese 1,2 paıyzǵa ósti. El turǵyndarynyń artýy tabıǵı ósimniń (192,8 myń adam) jáne shet elderden kóship kelgen qandastarymyzdyń esebinen (3 348 adam) boldy.
«Ótken 10 aıda baqılyq bolǵandar sany 121 myń adamdy qurady. Bul ótken jyldyń qańtar-qazanymen salystyrǵanda 0,4 paıyzǵa tómen. Bul - oń dınamıka», - dep atap ótti Á.Smaıylov.
Sondaı-aq Agenttik tóraǵasy málim etkendeı, jyl basynan beri 132,7 myń jup nekelerin zańdastyrdy, bul 7,9 paıyzǵa kóp. Nekelesýshilermen birge ajyrasýshylardyń sany da artty (6,8 paıyzǵa) - 37,5 myń fakti.
