2011 jyldan beri Qazaqstanda onnan astam terrorıstik oqıǵa oryn alyp, 21 adam qaza tapty - Prokýratýra
ASTANA. QazAqparat - 2011 jyldan beri Qazaqstanda onnan astam terrorıstik oqıǵa oryn alyp, onyń saldarynan 21 adam qaza tapty. Sonyń 17-si quqyq qorǵaý jáne arnaıy organ qyzmetkerleri. Búgin Parlament Senatynyń jalpy otyrysynda QR Bas prokýrorynyń orynbasary Jaqyp Asanov osylaı málim etti.
Onyń aıtýynsha, júzden astam Qazaqstan azamattary sheteldi terrorıstik uıymdardyń yqpalynda júrgeni belgili bolǵan. «Jasyryn emes, osy uıymdar ózderiniń teris pıǵylyn Qazaqstanǵa ákelip taratýǵa umtylýda. Alǵashqy kezeńmen salystyrǵanda ekstremızm men terrorızmge qarsy kúres áldeqaıda kúsheıdi deýge negiz bar. Máselen, tek byltyrdan beri arnaıy organdar 9 terrorıstik aktiniń aldyn aldy», - deıdi J. Asanov.
Máselen, onyń sózine qaraǵanda 2014 jyldyń sáýirinde Aqtóbede radıkaldy dinı ıdeologııany ustanatyn adam qazaqstandyqtardy Sırııaǵa baryp, qarýly áreketterge qatysýǵa úgittep, quqyq qorǵaý qyzmetkerlerine shabýyl jasaýdy josparlaǵan. Sottyń úkimimen olar bes jylǵa sottaldy.
