2011 jyldan bastap jylyna 20 myń tonnadan artyq parnıktik gazdar shyǵaryndylary bar tabıǵat paıdalanýshylar kvota alýy tıis

Bul týraly búgin Parlamentte «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgertýler men tolyqtyrýlar engizý týraly» Zań jobasyn tanystyrǵan Qorshaǵan ortany qorǵaý mınıstri Nurǵalı Áshimov málim etti.

Jahandyq ekologııalyq máseleniń biri - klımattyń ózgerýi boıynsha Qazaqstannyń mindetterine sáıkes parnıktik gazdardyń shyǵaryndylary men sińirýleri salasynda memlekettik retteýdi kúsheıtý zań jobasynyń bir baǵyty ekendigin basa aıtqan N.Áshimov «Ol úshin parnıktik gazdar shyǵaryndylaryna kvota bólý tetikteri engizilýde. 2011 jyldan bastap jylyna 20 myń tonnadan artyq parnıktik gazdar shyǵaryndylary bar tabıǵat paıdalanýshylar kvota alýy tıis. Bul - munaı-gaz, energetıkalyq, taý-ken metallýrgııa jáne hımııa salalarynyń iri kásiporyndary», - dedi.

Mınıstrdiń atap ótýinshe, qazirgi ýaqytta bul sektorlardyń shyǵaryndylary 214 mıllıon tonnany nemese búkil kólemniń 90 paıyzyn qurap otyr. Osyǵan oraı parnıktik gazdar shyǵaryndylaryna kvotalar Úkimetpen bekitilgen ulttyq jospardyń negizinde taratylatyn bolady jáne kásiporyndar parnıktik gazdardy tómendetý boıynsha jobalardy iske asyrýǵa, sondaı-aq ózara kvotalardy satýǵa múmkindik alady.

«20 myń tonnaǵa deıin parnıktik gazdardyń shyǵaryndylary bar tabıǵat paıdalanýshylar kvotalardy sata almaıdy. Biraq olarǵa ózderiniń kásiporyndarynda ekologııalyq máselerdi sheshý boıynsha ınvestıtsııalardy tartýǵa quqyq beriledi. ıAǵnı, kásiporyndarǵa Kıoto tetikterine uqsas shyǵaryndylardy tómendetýdiń ishki ulttyq júıesi usynylady», - dedi N.Áshimov.