2011 jyldan bastap kólik quraldaryna tehnıkalyq qadaǵalaýdy jeke uıymdar júrgize bastaıdy
STANA. Qyrkúıektiń 21-i. QazAqparat /Marlan Jıembaı/ - Kelesi jyldyń basynan kólik quraldaryna tehnıkalyq qadaǵalaýdy jeke uıymdar júrgize bastaıdy. Bul týraly búgin BNews portalynda ótken onlaın konferentsııa barysynda QR Іshki ister vıtse-mınıstri Aleksandr Kýlınıch málim etti.
«Biz qazan aıynda tehnıkalyq qadaǵalaý júrgizýge baılanysty barlyq máselelerdi básekelestik ortaǵa beremiz. ıAǵnı, bul salaǵa berýdiń sharttary men sıpaty anyqtalatyn bolady. Meniń oıymsha, kelesi jylǵy qańtardyń 1-inde nemese aqpanynda bul qyzmetterdi jeke uıymdar júrgize bastaıdy. Degenmen kólik quraldarynyń tehnıkalyq qadaǵalaýdan ótkendigine memlekettik baqylaý jasaý ishki ister organdaryna, onyń ishinde jol polıtsııasyna júkteledi», dedi vıtse-mınıstr óz sózinde.
Onyń atap ótýinshe, qazirgi tańda elimizde 3 mıllıon 300 myń kólik tirkelgen. Al Jol polıtsııasy bólimsheleriniń qaramaǵynda 7 tehnıkalyq qadaǵalaý bazasy bar. Alaıda onyń 6-ýy jalǵa berilgen.
A.Kýlınıchtyń paıymynsha, kólik quraldaryn tehnıkalyq qadaǵalaýdy básekelistik ortaǵa berý atalǵan qyzmettiń sapasyn arttyra túspek.
