2011 jyldan bastap bilim berý uıymdarynda nátıjege baǵyttalǵan josparlaý júıesi engiziledi
ASTANA. Qyrkúıektiń 2-si. QazAqparat /Marlan Jıembaı/ - 2011 jyldan bastap bilim berý uıymdarynda nátıjege baǵyttalǵan josparlaý júıesi engiziledi. Bul týraly búgin Úkimet úıinde ótken selektorlyq keńes barysynda Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasy jobasyn tanystyrǵan QR Bilim jáne ǵylym vıtse-mınıstri Mahmetqalı Sarybekov aıtty.
2011 jyldan bastap bilim berý uıymdarynda nátıjege baǵyttalǵan josparlaý júıesi engiziletindigin atap ótken vıtse-mınıstrdiń sózine qaraǵanda, qazirgi tańda elimizdiń oqýshylarynyń tek 28 paıyzynda kompıýter, al 16 paıyzynda ınternetke shyǵý múmkindigi bar eken. «Bul damyǵan memleketterden 3 ese, sondaı-aq kórshi elderden de aıtarlyqtaı az bolyp otyr», dedi M.Sarybekov.
Sonymen qatar Qazaqstanda tehnologııalyq daıyndyq deńgeıi de joǵary emes. Elimiz bilim berýde aqparattyq-kommýnıkatsııalyq tehnologııalarǵa qol jetkizý jáne ony qoldaý boıynsha álemde 75-shi orynda tur.
Al osy kúnge deıin mektepterdiń 66 paıyzynyń keń jolaqty ınternetke qol jetkizýge múmkindigi bolmaı otyrǵandyǵyn basa aıtqan ol «sol úshin barlyq bilim uıymdaryn keń jolaqty ınternetke qosý, oqý protsessin avtomattandyrýdy engizý, pedagogtar men oqýshylardyń bilim berý resýrstaryna qoljetimdiligin qamtamasyz etý, aqparattyq-kommýnıkatsııalyq tehnologııalar salasyndaǵy pedagog kadrlardy daıarlaý jáne biliktiliktiligin arttyrý júıesin, álemdik deńgeıdegi sandyq mektepterdi qurý josparlanýda», dedi.
