2011-2015 jyldary aýyl sharýashylyǵynyń JІÓ-i ortasha 4-5 paıyzǵa ósedi - Q.Kelimbetov
ASTANA. 10 mamyr. QazAqparat /Marlan Jıembaı/ - 2011-2015 jyldary aýyl sharýashylyǵynyń jalpy ónimniń kólemi ortasha 4-5 paıyzǵa ósedi.
Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov aıtty.
Sonymen qatar mınıstrdiń atap ótýinshe, ónerkásip óndirisiniń ósý kórsetkishi negizinen aǵymdaǵy jylǵy 6 paıyzdan 2015 jylǵa qaraı 9,1 paıyzǵa deıin ulǵaıýy aıqyndalǵan. Al óńdeýshi ónerkásiptegi óndiristiń ósý qarqyny (ortasha 10 paıyzdan kóp) taý-ken óndirisi sektoryndaǵy ósimnen joǵary bolýy kerek.
«Qurylys salasyndaǵy josparlanǵan sharalar men ónerkásiptik jáne ınfraqurylymdyq nysandardyń keńeıýi nári baǵdarlamalyq qujattarda eskerilgen ınvestıtsııalardyń kólemin eskere otyryp bul saladaǵy ósim 2011 jyly 2,5 paıyz, 2012 jyly 3,1 paıyz deńgeıinde aıqyndalǵan», - dedi Q.Kelimbetov.
