2011-2015 jyldar aralyǵynda JІÓ-niń jyl saıynǵy ósimi 7 paıyzdy quraıdy - Q. Kelimbetov
ASTANA. 10 mamyr. QazAqparat /Marlan Jıembaı/ - 2011-2015 jyldar aralyǵynda JІÓ-niń jyl saıynǵy ósimi 7 paıyzdy quraıdy.
Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov málim etti.
«2011 jyly JІÓ-niń shynaıy ósimi 7 paıyzdy, 2012 jyly 6,9 paıyzdy, 2013 jyly 6,5 paıyzdy, 2014 jyly 7,1 paıyzdy, 2015 jyly 7,4 paıyzdy quraıdy. Ortasha eseppen alǵanda 2011-2015 jyldar aralyǵynda JІÓ jylyna 7 paıyzǵa ósim beredi»,-dedi mınıstr.
Onyń atap ótýinshe, ekonomıkalyq ósim boıynsha maqsatty kórsetkishter 2011-2015 jyldar aralyǵynda buǵan deıin bekitilgen boljamdy parametrlerge qaraǵanda 2-3 tarmaqqa joǵary bolady.
«Qosymsha ósim shıkizattyq emes sektordyń ortasha alǵanda shamamen 7 paıyzdan astam qarqyndy damýymen qamtamasyz etiledi»,-dedi Q. Kelimbetov.
