2011-2012 oqý jylynda Astana mektepterindegi oryn tapshylyǵy 14 382-ni qurap otyr - qala ákiminiń orynbasary
TANA. 30 qyrkúıek. QazAqparat /Gúlmıra Alıakparova/ - 2011-2012 oqý jylynda Astana qalasy mektepterindegi oryn tapshylyǵy 14 382-ni qurady.
Bul týraly búgin qalalyq máslıhattyń kezekti sessııasynda elorda ákiminiń orynbasary Aıda Balaeva málim etti.
A.Balaeva atap kórsetkendeı, búgingi kúni Astana qalasynda orta bilim beretin 82 mektep jumys isteıdi. Onyń 69-y - memlekettik, 13-i - jekemenshik. Mektepterdegi oryn tapshylyǵy men tyǵyzdyq problemasyn sheshý úshin 2008 jyldan beri úsh aýysymdyq 9200 oryn quryldy. Alaıda, mıgratsııanyń qarqyny mektepterdegi oryn tapshylyǵyn azaıtýǵa múmkindik bermeı otyr. Búginde bul san 14 300-den asyp jyǵyldy.
«Aǵymdaǵy jyldyń sońyna deıin Ilınka kentinde 1200 orynǵa arnalǵan mekteptiń iske qosylýymen №10 jáne 17-shi mektepter men №56 mektep-lıtseıdegi balalar tyǵyzdyǵy máselesi sheshilmek. Degenmen, qalanyń halyq kóp turatyn aýdandarynda oqýshy sany kóp mektepter áli de qalyp otyr. Sol sebepti 2011-2013 jyldarǵa arnalǵan bıýdjettik baǵdarlamaǵa sáıkes, 2012 jyly jańadan 7 mektep pen 6 800 orynǵa arnalǵan bir ǵımaratty japsyra salý kózdelip otyr. Al 2013 jyly 15 600 orynǵa eseptelgen 13 orta bilim berý mekemesi boı kóteredi», - dep atap ótti ákimniń orynbasary.
A.Balaevanyń sózine qaraǵanda, 2011-2012-shi jańa oqý jylynda Astanada 10 000 oqýshy mektep tabaldyryǵyn alǵash attady. Orta bilim berý mekemeleri óńirlerden kóship kelgen 5 000 oqýshymen tolyqty.
