2011-2012 oqý jyly QMEBI stýdentterge qarjylyq kómek kórsetý úshin 4,5 mıllıon dollardan asa qarajat bóldi

Sonymen qatar ústimizdegi jyly QMEBI-diń bakalavrıat pen magıstratýra stýdentterine 491 grant bergenin habarlaıdy.

Nursultan Nazarbaev atyndaǵy grantty alǵan stýdentter QMEBI-de tegin oqıdy, «Altyn belgi» ıegerleri oqýǵa 50% jeńildik aldy, halyqaralyq jáne respýblıkalyq olımpıada jeńimpazdary 30% grant alsa, al QMEBI- de uıymdastyrylǵan olımpıada jeńimpazdary 100%, 50% jáne 30% granttar alǵan. Sonymen qatar QMEBI O. A. Jáýtikov atyndaǵy respýblıkalyq arnaýly fızıka-matematıka orta mektep-ınternatynyń túlekterine arnap oqý aqysyn tóleýden 100% bosatý túrinde grant berdi. Kolledj bitirýshiler men basqa ýnıversıtetterden aýysyp kelgen stýdentter oqý aqysyn tóleýden 50 % bosatý túrinde grant aldy. Sondaı-aq birshama stýdentter 100% túrindegi QMEBI Prezıdentiniń jáne oqý aqysyn tóleýden 50% bosatý túrindegi QMEBI Dekany grantynyń ıegerleri atandy.

«Altyn belgi» granty men halyqaralyq jáne respýblıkalyq olımpıada jeńimpazdary grantynan basqa kóptegen granttar konkýrstyq negizde bólingen. Granttardy bólý krıterııleri joǵary akademııalyq jetistikter nemese stýdenttiń otbasynyń qıyn materıaldyq jaǵdaıyna negizdelgen. Grant ala almaǵan, biraq oqý aqysyn tóleýde qıyndyqqa dýshar bolǵan stýdentterge de QMEBI 10 %-dan 85%-ǵa deıingi mólsherde qarjylyq qoldaý kórsetip otyr.

Budan basqa, kóp balaly otbasynyń, zeınetkerlerdiń balalary, sonymen qatar QMEBI-de bir nemese odan da kóp balasy oqıtyn otbasylardyń balalary da 25% mólsherinde qarjylyq qoldaý alǵan. Jetim balalalar QMEBI-de tegin oqıdy. Qarjylyq qoldaý kórsetý týraly sheshim stýdenttiń tapsyrǵan oqý aqysyn tóleý qıyndyǵyn ne bolmasa otbasy mártebesiniń ereksheligin (máselen, ata-anasy zeınetker) rastaıtyn qujattarǵa negizdelgen.

Budan basqa, Ortalyq Azııadaǵy jetekshi joǵary oqý orny retindegi QMEBI Ortalyq Azııa elderiniń (Qyrǵyzstan, Túrikmenstan, Tájikstan, Ózbekstan) 100 stýdentine arnap 100% grant berdi.

Al magıstratýra stýdentterine arnalǵan granttar 2011-2012 oqý jyly QMEBI búkil oqý kezeńine oqytýshy assıstenti nemese zertteý jumystary boıynsha assıstent retinde jumys berýmen «Oqy jáne jumys iste» 100%-dyq alpys grant bóldi. 100%-dyq on grant MA in TESOL baǵdarlamasynda búkil oqý kezeńinde oqytýshylyq qyzmetpen aınalysýshy stýdentterge berildi. Sonymen qatar qyryq grant áleýmettik ǵylymdar fakýlteti baǵdarlamalary úshin búkil oqý kezeńinde oqý aqysyn tóleýden 50%-dyq bosatý túrinde qıyn materıaldyq jaǵdaıdy esepke ala otyryp bólindi. Jáne 10 grant MA in TESOL baǵdarlamasy úshin búkil oqý kezeńinde oqý aqysyn tóleýden 90%-dyq bosatý túrinde qıyn materıaldyq jaǵdaıdy esepke ala otyryp berilgen. Budan basqa, úzdik oqıtyn stýdentterge oqý aqysyn tóleýden 50%-dyq bosatý túrinde QMEBI Prezıdentiniń granty berildi. Magıstratýra stýdentterine arnalǵan barlyq granttar konkýrstyq negizde bólindi. QMEBI-de bir mezette oqyp jatqan bir otbasynyń stýdent balalaryna 25% qarjylyq qoldaý berildi. Grant ala almaǵan, biraq oqý aqysyn tóleýde qıyndyqqa kez bolǵan magıstratýra stýdentterine de QMEBI 10 %-dan 30%-ǵa deıingi mólsherde qarjylyq qoldaý kórsetti.

Stýdentterdi qarjylyq qoldaý - QMEBI-diń buljymas jumys prıntsıpteriniń biri bolyp tabylady.