2010 jyly Jol kartasy sheńberinde josparlanatyn is-sharalardyń negizgi maqsatynyń biri - halyqty jumyspen qamtýdyń qol jetken deńgeıin qoldaý

dep habarlaıdy QazAqparat.

Jumyspen qamtý jáne kadrlardy qaıta daıarlaý máseleleri jónindegi vedomstvoaralyq komıssııa 2010 jylǵa qarjylandyrý somalaryn taratyp bólý tásilderin maquldaǵan.

Osyǵan oraı Eńbek jáne halyqty áleýmettik qorǵaý mınıstrligi respýblıkalyq bıýdjettik baǵdarlamalardyń ákimshilerimen jáne oblystardyń, Astana men Almaty qalalarynyń ákimdikterimen birlese otyryp, Jol kartasynyń ár baǵyty boıynsha qarjy qajettiligin, jergilikti bıýdjetterden qosa qarjylandyrýdy eskere otyryp, aıqyndady.

Respýblıkalyq bıýdjet qarajatyn Jol kartasynyń baǵyttary boıynsha taratyp bólý «2010 - 2012 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Úkimetiniń 2009 jylǵy 22 jeltoqsandaǵy qaýlysymen bekitildi.

2010 jyly Jol kartasyna respýblıkalyq bıýdjetten
100 mlrd. teńge bólindi. Jergilikti bıýdjetter tarapynan ınvestıtsııalyq baǵyttardy qosa qarjylandyrý 43,1 mlrd. teńge sheginde bolady dep kútiledi.

Jol kartasynyń barlyq baǵyttary boıynsha 2010 jyly 3 myń jobany iske asyrý kezinde shamamen 130 myń jumys orny qurylatyn bolady.

Qosa qarjylandyrýdy eskergende, bıýdjet qarajaty, ıaǵnı, barlyǵy 125,1 mlrd. teńge jóndeý jumystaryna taratyp bólinedi. Atap aıtqanda, Turǵyn úı-kommýnaldyq sharýashylyq júıesin jóndeý, rekonstrýktsııalaý jáne damytýǵa - 47,9 mlrd. teńge qarastyrylyp otyr. Jol jóndeý jumystaryna - 29,1 mlrd. teńge, mektepterdi, aýrýhanalar men basqa da áleýmettik nysandardy jóndeýge - 40,4 mlrd. teńge baǵyttalady. Sonymen qatar aýyldardyń áleýmettik-mádenı nysandaryna - 5,8 mlrd. teńge jáne respýblıkalyq menshiktegi densaýlyq saqtaý jáne mádenıet nysandaryn jóndeýdi júzege asyrýǵa - 2,0 mlrd. teńge kózdelip otyr.

Áleýmettik jumys oryndary men jastar tájirıbesi baǵdarlamalary sheńberinde 53 myń ýaqytsha jumys ornyn qurý josparlanady. Bul maqsattarǵa 6,3 mlrd. teńge baǵyttalmaq. Memlekettik bıýdjetten bir qyzmetkerge aıyna bólinetin aýdarymnyń kólemi 20 myń teńgege deıin kóbeıtildi.

Kadrlardy daıarlaýdy jáne qaıta daıarlaýdy uıymdastyrýǵa shamamen 8 mlrd. teńge jumsalatyn bolady. Bul 67 myńǵa jýyqadamdy jumyspen qamtýǵa múmkindik beredi.

Bul oraıda, 2010 jyly 20163 adam 2009 jyly bastalǵan memlekettik tapsyrys boıynsha oqýyn aıaqtaıdy jáne taǵy 11 myń 155 adam ındýstrııalandyrý jobalaryn iske asyrý úshin kadrlar daıarlaýǵa baǵyttalǵan osy baǵdarlamalar boıynsha oqýdy bastaıdy.

Jol kartasy jobalarynyń qajettilikterine sáıkes kadrlardy daıarlaýǵa jáne qaıta daıarlaýǵa 3,2 mlrd. teńgeni baǵyttaý josparlanyp otyr. Bul shamamen 32 myń adamdy qamtıtyn bolady. Jáne 2,7 myń adam eńbek naryǵynda suranysqa ıe, bilikti sheteldik mamandar tartylyp júrgen mamandyqtar boıynsha qosymsha daıarlanatyn bolady.

Búgingi kúni respýblıkalyq bıýdjettik baǵdarlamalar ákimshileri men ákimderdiń arasynda Bıýdjettik kodekske sáıkes nysanaly transfertter boıynsha qorytyndylar týraly Kelisimge qol qoıý rásimi aıaqtalyp keledi.