2010 jyly Jol kartasy aýqymynda 3 myń ınvestıtsııalyq joba júzege asyrylady

ASTANA. Qańtardyń 2-si. QazAqparat /Muratbek Maqulbekov/ - Úkimet 2010 jyly Jol kartasy aýqymynda atqarylatyn ınvestıtsııalyq jobalardyń tizimin belgiledi. Investıtsııalyq jobalardyń jalpy sany 3 myńǵa jýyqtaıdy, oǵan respýblıkalyq bıýdjetten 82 mıllıard teńge bólinedi jáne jergilikti bıýdjetten 43,2 mıllıard teńge kóleminde qosymsha qarjylandyrý kózdelip otyr.

Azamattardy jumysqa ornalastyrý úshin jumys oryndaryn qurý jáne osyǵan balanysty qarajat shyǵyndary boıynsha tapsyrmalar belgilendi.

Jóndeý jumystarynda 130 myń jumys oryndaryn ashý josparlanýda.

Áleýmettik jumys oryndaryn ashýǵa jáne jastar praktıkasyn uıymdastyrýǵa 6,3 mıllıard teńge baǵyttalatyn bolady, sonyń esebinen 52,7 myń ýaqytsha jumys oryndary qurylady.

Kadrlardy qaıta daıarlaýǵa 8 mıllıard teńge jumsalyp, oǵan 67 myń adamdy qamtý josparlanǵan.