2010 jyly TMD elderiniń jalpy ishki ónimi 1,7 paıyzǵa ósedi - BUU sarapshylary
ASTANA. Aqpannyń 11-i. QazAqparat /Muratbek Maqulbekov/ - 2010 jyly TMD elderiniń jalpy ishki ónimi 1,7 paıyzǵa ósedi.
Birikken Ulttar Uıymynyń «Álemdik ekonomıkalyq jaǵdaı jáne 2010 jylǵy perspektıvalar» baıandamasynda osyndaı boljam jasalyp otyr.
«2009 jyly ekonomıkasy 6,7 paıyzǵa kúrt quldyraǵan TMD elderinde 2010 jyly jalpy ekonomıkalyq kórsetkish shamamen 1,7 paıyzǵa ósedi dep kútilýde», dep atap kórsetiledi baıandamada.
BUU sarapshylarynyń pikirinshe, 2010 jyly TMD ekonomıkasy álemdik suranystyń ósýi men qarjylyq jaǵdaılardyń jaqsarýynyń arqasynda ósedi. «Degenmen, bank salasynda jalǵasyp otyrǵan álsizdiktiń, sondaı-aq josparlanǵan qarjylyq konsolıdatsııanyń keıbir elementteriniń saldarynan ekonomıkanyń jandaný úrdisi báseń júretin bolady», - dep sanaıdy sarapshylar.
Aldyn-ala baǵalaýlar boıynsha, ótken jyly Qazaqstannyń jalpy ishki ónimi 1,1 paıyzǵa artqan.
