2010 jyly sottalǵandardyń 8 qashý faktisine tosqaýyl qoıyldy, 18-iniń bolýyna jol berilmedi - QR ІІM
ASTANA. 10 qańtar. QazAqparat /Janna Qorqytova/ - 2010 jyly sottalǵandardyń 8 qashý faktisine tosqaýyl qoıyldy, 18-iniń bolýyna jol berilmedi, dep habarlaıdy QR ІІM baspasóz qyzmeti Qazaqstan Respýblıkasy ІІM Іshki áskerlerdiń qurylǵanyna 19 jyl tolýyna oraı óz qyzmetterine qorytyndy shyǵarý kezinde.
«Túzeý mekemelerindegi jaǵdaıǵa únemi jiti qadaǵalaý kerektigi basty nazarda. Sondyqtan ishki áskerler aıdaýyl bólimderiniń basty mindetteri kúndelikti qyzmetterin qyraǵy atqarý. Ótken jyldyń ishinde sottalǵandardyń 8 qashý faktisine tosqaýyl qoıyldy, 18-iniń bolýyna jol berilmedi, onyń ishinde bireýi toptasyp qashý bolsa, ekeýi qashýǵa jasalǵan áreket edi. Budan basqa tyıym salynǵan ishki aýmaqqa enbekshi bolǵan 9 faktige, eskertý oq atý arqyly tosqaýyl qoıyldy», - delingen Іshki áskerler komıteti taratqan aqparatta.
Qaraýyldar myńnan astam tyıym salynǵan zattardy laqtyrýdyń faktisine tosqaýyl qoıdy: nátıjesinde 4439 metr spırtti ishimdik, 19 kılogramnan astam esirtkilik zat jáne basqa da tyıym salynǵan zattar tárkilendi.
«Baqylaý-ótkizý pýnktterinen kólikpen ótý kezinde tyıym salynǵan zattardyń 38 faktisi anyqtaldy, onyń 100 lıtrden astamy spırt ishimdigi, úsh kılogramnan astamy esirtkilik zattar, 281 myń teńge aqsha, 6 sýyq qarý, 36 oq dári, 23 uıaly telefon. Sonymen birge jalǵan qujatpen kúzetiletin nysandarǵa kirmekshi bolǵandardyń 25 faktisi tirkeldi.
Aıdaýyldaý jónindegi qaraýyldar jeke quramy aıdaýyldaý kezinde tyıym salynǵan 287 lıtr spırt ishimdigin, jarty kılogramnan astam esirtki zatyn, 735 pyshaq pen pyshaq isteýge daıyndalǵan temir, 52 uıaly telefon men 253 sım-kart, jalpy somasy 90 myń teńge bolatyn aqshany tárkiledi», - dep habarlaıdy baspasóz qyzmeti.
