2010 jyly polıtsııa qyzmetkerleri 36 myńdaı oqýshynyń arasyna saýalnama júrgizdi
ASTANA. 12 qańtar. QazAqparat - Іshki ister mınıstrligi múddeli memlekettik organdarmen jáne qoǵamdyq uıymdarmen birlese otyryp, aǵymdaǵy jyldyń 12-16 qańtary aralyǵynda «Jasóspirim» jedel-profılaktıkalyq is-sharasyn ótkizýde.
Vedomstvonyń baspasóz qyzmetinen habarlaǵandaı, is-sharanyń negizgi maqsaty - jasóspirimder arasyndaǵy quqyq buzýshylyqty eskertý jáne onyń profılaktıkasy, quqyqqa qarsy baǵyttaǵy jasóspirimder toptaryn, alkogoldik ishimdikterdi, esirtki jáne psıhotroptyq zattardy tutynatyn kámeletke tolmaǵandardy, oqýdan jaltarǵan jasóspirimderdi, sondaı-aq olardy qoǵamǵa qarsy áreketterge tartatyn eresek adamdardy anyqtaý jáne taratý, kámeletke tolmaǵandarǵa alkogol men temeki ónimderin satý faktilerin anyqtaý bolyp tabylady.
Sonymen qatar jasóspirimder qylmysynyń erte aldyn alý, oqý oryndaryndaǵy moraldyq-psıhologııalyq klımatty aıqyndaý maqsatynda 2010 jyly polıtsııa qyzmetkerleri shamamen 36 myń mektep oqýshysyna saýalnama júrgizdi.
Ótkizilgen surastyrý barysynda qorqytyp alýshylyqtyń 8 faktisi, oqýshylardyń quqyǵyn buzýdyń 8 faktisi anyqtaldy. Saýalnama nátıjeleri boıynsha aýmaqtyq bilim berý organdaryna 48 habarlama joldandy.
Іshki ister organdarynyń senim telefondaryna kámeletke tolmaǵandardyń quqyǵyn buzý týraly 157, qorqytyp alýshylyq týraly 12 habarlama kelip tústi.
Sonymen qatar qalyptasqan jaǵdaıdan jáne moraldyq-psıhologııalyq klımattan habardar bolý, kámeletke tolmaǵandardyń arasyndaǵy quqyq buzýshylyqtyń aldyn alý maqsatynda oqý oryndarynda anonım ótinishter úshin 5664 (orta mektepterde - 5169, kolledjderde - 404, JOO-da - 91) jáshik ornatyldy. Qazirgi tańda olar boıynsha shamamen 2 myń (oqýshylardyń quqyqtaryn buzý - 3, qorqytyp alýshylyq - 4 jáne t.b. - 1937) ótinish kelip túsip, olar boıynsha tıisti sharalar qabyldanýda.
