2010 jyly PMHZ 4,8 mln. tonna shıki munaı óńdedi, bul 2009 jylǵy deńgeıden 16,4 paıyzǵa joǵary
ASTANA. 22 aqpan. QazAqparat - «QazMunaıGaz - qaıta óńdeý jáne marketıng» AQ ótken 2010 jylǵy qorytyndylar boıynsha eseptik keńeste kásiporynnyń joǵary óndiristik jáne ekonomıkalyq kórsetkishteri úshin Pavlodar munaıhımııa zaýyty (PMHZ) bas dırektory Sh.A.Danbaı Qoǵamnyń Alǵys hatymen marapattaldy.
Pavlodar munaıhımııa zaýytynyń baspasóz qyzmeti habarlaǵandaı,PMHZ munaıdy óndeý tereńdigin salmaǵy 80-85 paıyzǵa deıin qamtamasyz etetin tehnologııalyq qondyrǵylardy jınaqtaý boıynsha Qazaqstandaǵy iri sala kásiporyndarynyń biri bolyp tabylady. Zaýyttyń jobalyq qýattylyǵy jylyna 7,5 mln. tonna munaıdy quraıdy.
2009 jylǵy tamyzdan bastap zaýyt «QazMunaıGaz» Ulttyq kompanııasynyń quramyna endi, bul onyń tehnıkalyq jáne áleýmettik-ekonomıkalyq ósýine yqpal etetin iri oń faktorlarynyń biri boldy.
Qysqa merzimde zaýytqa reseılik iri munaı óndirýshi kompanııalarymen jasalǵan tikeleı sharttar boıynsha óńdeýge arnalǵan munaıdyń turaqty jetkizilimi qamtamasyz etildi.
Shıkizatty óńdeý kólemderi munaı zaýyttary jumysynyń neǵurlym mańyzdy nátıjesi bolyp tabylady. Ótken jyly PMHZ 4,8 mln. tonna shıki munaı óńdedi, bul 2009 jylǵy deńgeıden (4,1 mln. tonna) 676 myń tonnaǵa nemese 16,4 paıyz joǵary.
Óndiris kólemderin arttyrý joǵary qarjy nátıjelerine qol jetkizýge yqpal etti. 2010 jylǵy qorytyndylar boıynsha kásiporyn 3,128 mlrd. teńge mólsherdegi taza kiriske ıe boldy, bul 2009 jylǵy deńgeıden 7 ese artyq.
2010 jylǵy 1 qańtardan bastap kásiporyn qyzmetkerleriniń eńbekaqysy 30 paıyzǵa kóterildi.
Zaýyt - Pavlodar óńiriniń eń iri salyq tóleýshisi. PMHZ salyqtyq aýdarymdarynyń úlesi qala qazynasyna túsetin salyqtyq túsimderdiń jalpy somasynyń 40 paıyzyn quraıdy. 2010 jylǵy salyqtyq aýdarymdar men bıýdjetten tys qorlarǵa jasalatyn aýdarymdardyń jalpy somasy 10,42 mlrd. teńgeni qurady. Respýblıkalyq bıýdjetke - 2,49 mlrd. teńge, jergilikti bıýdjetke - 7,93 mlrd. teńge mólsherinde salyq aýdaryldy. Sonymen qatar, jınaqtaýshy zeınetaqy qoryna jáne áleýmettik saqtandyrý qoryna 883 mln. teńge aýdaryldy.
Tıisinshe, 2010 jyly 2009 jylmen salystyrǵanda ónim óndirisiniń kólemi artty. Zaýyt Eýro-2 standartyna sáıkes keletin munaı ónimderin óndirýge tolyǵymen kóshti.
Joǵary oktandy benzınderdi óndirý 105 myń tonnaǵa nemese 12 paıyzǵa (2009 jyly 887 myń tonna, 2010 jyly - 992 myń tonna óndirildi) ósti.
Budan ári óndiris suranysy bar sapaly joǵary oktandy avtomobıl otyndaryn shyǵarýǵa baǵyttalatyn bolady.
2010 jyly 1,46 mln. tonna dızel otyny óndirildi, bul 2009 jylmen salystyrǵanda 126 myń tonnaǵa nemese 9 paıyzǵa artyq.
PMHZ QR Munaı jáne gaz mınıstrliginiń kestesine sáıkes Qazaqstan áýejaılaryn avıakerosınmen qamtamasyz etý baǵdarlamasyn tolyq oryndady, sondaı-aq elimizdiń TJM materıaldyq rezervi úshin onyń jetkizilýin tolyq kólemde qamtamasyz etti. Avıaotyn óndirisi eki ese artty: eger 2009 jyly ol - 89 myń tonna kóleminde óndirilse, 2010 jyly - 184 myń tonna óndirildi.
Óndiristi álem standarttaryna jaýap beretin joǵary sapaly munaı ónimderin shyǵarýǵa baǵdarlaý qajet. Bul zamanaýı tehnologııalardyń engizilýin, qural-jabdyqty jańǵyrtýdy talap etedi, óıtkeni zaýyt qondyrǵylary 30 jyldan astam ýaqyt paıdalanylýda. Osyǵan baılanysty, Qazaqstan Respýblıkasy Úkimetiniń 2009 jylǵy 14 mamyrdaǵy № 712 qaýlysyna sáıkes Qazaqstan Respýblıkasy munaı óndirýshi zaýyttarynyń 2009-2015 jyldarǵa arnalǵan keshendi damý jospary eskerile otyryp, Kásiporyndy tehnıkalyq damytýdyń 2010-2014 jyldarǵa arnalǵan baǵdarlamasy ázirlendi. Osy Baǵdarlamanyń sheńberinde «PMHZ» AQ jańǵyrtý jobasyn iske asyrý kózdelip otyr. Eni ıtalıandyq kompanııasymen birlesip zaýytty qaıta jańartýdyń naqty jospary belgilendi. 2011 jylǵy naýryzdyń sońynda zaýyt Kásiporyndy jańǵyrtý jobasynyń aıaqtalǵan tehnıkalyq-ekonomıkalyq negizdemesin (TEN) alady. Zaýyttyń tehnıkalyq damýyna tıisti ınvestıtsııany bólmegen jaǵdaıda osyndaı nátıjelerge qol jetkizý múmkin bolmas edi.
