2010 jyly memlekettik organdardyń aqparattyq júıeleri birtutas Serverlik ortalyqta ornalastyrylatyn bolady - Á.Ýyzbaev
sp;ASTANA. Qarashanyń 11-i. QazAqparat /Gúlmıra Álıakparova/ - 2010 jyldan bastap memlekettik organdardyń aqparattyq júıeleri birtutas baza - Serverlik ortalyqta saqtalatyn bolady.
Bul týraly búgin ótken dóńgelek ústelde «Zerde» AQ Ulttyq aqparattyq-kommýnıkatsııalyq holdıngi «elektrondyq úkimetti» monıtorıngileý jáne damytý jónindegi basqarýshy dırektor Áltaıyr Ýyzbaev málim etti, dep habarlaıdy QazAqparat.
Á.Ýyzbaevtyń aıtýynsha, «elektrondyq úkimet» baǵdarlamasy sheńberinde memlekettik organdardyń málimetterin óńdeıtin birtutas bazany qurý boıynsha alǵashqy jumystar 2008 jyly bastaldy. 2009 jyly oǵan QR Aqparattandyrý jáne baılanys agenttigi men QR Ádilet mınıstrligi qosylyp, ózderiniń aqparattyq júıelerin ornalastyrdy. 2010 jyly Serverlik ortalyqtyń qalǵan ınfraqurylymyn aıaqtap, onyń bazasynda barlyq memlekettik organdardyń aqparattyq júıesin saqtaý kózdelip otyr.
«Serverlik ortalyq syrtqy ortadan oqshaýlanǵan jáne barlyq talaptarǵa sáıkes keletin bólmede ornalasqan. Búginde onda 157 server bar. Serverlik ortalyq, birinshi kezekte memlekettik organdarǵa ózderiniń aqparattyq júıelerin ustaý boıynsha qarjylyq shyǵyndardy azaıtýǵa múmkindik beredi», dedi ol.
