2010 jyly memleket menshigine 1,1 mıllıon gektar aýyl sharýashylyǵy jerleri qaıtaryldy - Ó.Ózbekov
ASTANA. 11 mamyr. QazAqparat /Marlan Jıembaı/ - 2010 jyly memleket menshigine 1,1 mıllıon gektar aýyl sharýashylyǵy jerleri qaıtaryldy.
Bul týraly búgin Jer resýrstaryn basqarý agenttiginiń tóraǵasy Ómirzaq Ózbekov QR Parlamenti Senatynyń depýtattarymen kezdesý barysynda aıtty.
2010 jyly paıdalanylmaı jatqan aýmaǵy 3 mıllıon gektar bolatyn 17 myń jer ýchaskeleri anyqtaldy. 4,9 myń ıesiz jer ýchaskeleri, ıaǵnı 1,6 mıllıon gektar arnaýly esepke alyndy», - dedi ol.
Sonymen qatar agenttik tóraǵasynyń atap ótýinshe, aýyl sharýashylyǵy jerlerin paıdalanbaı otyrǵan sýbektilerge 17 mıllıon teńge kóleminde aıyppul salynyp, jer paıdalanýshylarǵa jerdi óz maqsatynda paıdalaný týraly 733 jazbasha nusqama berilgen. Sot organdaryna 33,5 myń gektar jerdi memleketke qaıtaryp alý týraly 51 talap-aryz jiberilgen.
«Tekserý nátıjelerimen 2010 jyly memleket menshigine 1,1 mıllıon gektar aýyl sharýashylyǵy jerleri qaıtaryldy. Al 2009 jyly osyndaı tekseris nátıjesinde 505 myń jer ýchaskesi qaıtarylǵan bolatyn», - dedi Ó.Ózbekov.
Jalpy jer ınspektsııalary 2010 jyly 6342 tekseris júrgizip, zańnamany buzýshylarǵa 428 mıllıon teńge aıyppul saldy.
