2010 jyly «QazMunaıGaz» Barlaý Óndirý» AQ 13 285 myń tonna munaı óndirdi

dep habarlady atalǵan kompanııanyń baspasóz qyzmetinen.

«QazMunaıGaz» Barlaý Óndirý» AQ «Qazgermunaı», «CCEL» («Qarajanbasmunaı»), «PetroQazaqstan Ink.» kompanııalaryndaǵy úlesterdi qosqanda, 2010 jyly 13 285 myń tonna (táýligine 270 myń barrel) munaı óndirdi. Bul 2009 jyldyń sáıkes kezeńimen salystyrǵanda 1 788 myń tonnaǵa nemese 16 paıyzǵa artyq. Óndirý kóleminiń artýy, negizinen, 2009 jyldyń jeltoqsan aıynda «PetroQazaqstan Ink.» kompanııasynyń 33 paıyz úlesin satyp alýmen baılanysty. 2010 jylǵa arnalǵan óndiristik jospardy «Ózenmunaıgaz» óndiristik fılıalynan basqa barlyq óndiristik fılıaldar men kásiporyndar asyra oryndady.

Kompanııanyń atap ótýinshe, «Ózenmunaıgaz» jáne «Embimunaıgaz» óndiristik fılıaldary 2010 jyly 8 766 myń tonna (táýligine 177 myń barrel) óndirgen, bul 2009 jyldyń sáıkesinshe kezeńimen salystyrǵanda 196 myń tonnaǵa nemese 2 paıyzǵa az. Ótken jyly 8 962 myń tonna (táýligine 181 myń barrel) óndirilgen bolatyn.

«Bul rette «Embimunaıgaz» ÓF jospardy 1 paıyzǵa asyra oryndady, al «Ózenmunaıgaz» ÓF jospardy 1 paıyzǵa kem oryndady. «Ózenmunaıgaz» ÓF-de óndirý kóleminiń azaıýyna 4-18 naýryz aralyǵynda «Ózenmunaıgaz» ÓF-de bolǵan narazylyq aktsııasy kezinde uńǵymalar qoryna qyzmet kórsetý rejiminiń buzylýy, munaı kásipshiligi qondyrǵylaryna der kezinde jóndeý jumystarynyń júrgizilmeýi, sondaı-aq 2010 jyldyń maýsym-qyrkúıek aılary aralyǵynda oryn alǵan aýa-raıynyń qolaısyzdyǵyna baılanysty ken oryndarynda elektr qýatyn shekteý jáne apatty jaǵdaıda sóný jaǵdaılary áser etti», - delingen baspasóz habarlamasynda.