2010 jyly Qazaqstannyń IT-naryǵy 32 paıyzǵa ósip, 790 mln. dollardy qurady

Bul týraly búgin elordada ótken «Memleketti basqarýdyń ınnovatsııalyq tehnologııalary: bolashaqtyń ekonomıkasy jolynda» atty IDC baspasóz máslıhaty barysynda Qazaqstandaǵy IDC ókildiginiń basshysy Andreı Beklemıshev málim etti.

Qazaqstandaǵy derbes kompıýterlerdiń sany 2010 jyly 36 paıyzǵa óskendigin atap ótken ol: «Bul sońǵy 5 jyldaǵy atalǵan naryqtaǵy eń iri ósim. Tipti daǵdarysqa deıingi 2006 jyly ósim qarqyny dál osyndaı bolǵan emes. Naryq kólemi jalpy quny 320 mln. dollar bolatyn 463 myń dana derbes kompıýterdi qurady», - dedi.

Onyń atap ótýinshe, ótken jyly elimizdegi serverler naryǵy da aıtarlyqtaı ulǵaıyp, 31,5 paıyzǵa ósti. ıAǵnı jalpy quny 42,5 mln. dollardy quraıtyn shamamen 4800 server ornatyldy.

Sonymen qatar A.Beklemıshevtiń alǵa tartqan derekterine qaraǵanda, aǵymdaǵy jyldyń birinshi jartyjyldyǵynda da atalǵan naryqqa qarqyndy ósim baıqalady. Máselen, serverler naryǵynda jalpy quny shamamen 25 mln. dollardy quraıtyn 3 myń dana qural-jabdyq ornatyldy.