2010 jyly Qazaqstanǵa 355 mln. dollardyń sút ónimderi ımporttaldy - QR AShM
ASTANA. 28 naýryz. QazAqparat /Gúlmıra Álıakparova/ - 2010 jyly Qazaqstanǵa 355 mln. AQSh dollardyń sút ónimderi ımporttaldy.
Bul týraly búgin sút salasyndaǵy máselelerge arnalǵan konferentsııada QRAShM Qaıta óńdeý ónerkásibi jáne agrarlyq azyq-túlik naryǵyn damytý departamenti dırektorynyń mindetin atqarýshy Rústem Qurmanov aıtty.
«QR Qarjy mınıstrligi Kedendik baqylaý komıtetiniń málimeti boıynsha, 2010 jyly sút ónimderiniń ımporty 355 mln. dollardy nemese respýblıkaǵa ákelingen tamaq ónimderiniń barlyq ımportynyń 15 paıyzyn qurady», - dedi R.Qurmanov.
Ol atap kórsetkendeı, Qazaqstanǵa sút ónimderiniń negizgi jetkizýshileri - Belarýs, Reseı, Ýkraına jáne Qyrǵyzstan memleketteri.
Mınıstrlik ókili Qazaqstan sondaı-aq, óziniń sút ónimderin de eskporttaıtynyn jetkizdi. «Bizdiń basty tutynýshylarymyz - Tájikstan, Ózbekstan jáne Reseı elderi. 2010 jyly onyń aldyńǵy jylmen salystyrǵanda atalmysh elderge qyshqyl sútti ónimderdiń eksporty 29 paıyzǵa artty», dedi ol.
