2010 jyly Qazaqstanda jańartylatyn energııa kózderin damytý baǵytynda shynaıy qozǵalys bastalady - BUU Damý baǵdarlamasynyń keńesshisi
ASTANA. Qańtardyń 14-i. QazAqparat /Marlan Jıembaı/ - Elimiz jańartylatyn energııa kózderin kommertsııalyq paıdalaný aldynda tur.
Bul pikirdi búgin elordada ótken jel energetıkasy salasyndaǵy jobalardyń damý perspektıvasyna arnalǵan semınarda BUU Damý baǵdarlamasy «Qazaqstan - jel energııasy naryǵyn damytý bastamasy» jobasynyń keńesshisi Gennadıı Doroshın bildirdi.
«Qazaqstanda jel energetıkasyna qatysty birqatar jobalar daıyn. Ótken jyly jeltoqsanda Energetıka jáne mıneraldyq resýrstar mınıstrligi Úkimette kelisim erejesin bekitken bolatyn. Meniń oıymsha, 2010 jyly Qazaqstanda jańartylatyn energııa kózderin damytý baǵytynda shynaıy qozǵalys bastalady», deıdi ol.
Onyń aıtýynsha, BUU Damý baǵdarlamasynyń «Qazaqstan - jel energııasy naryǵyn damytý bastamasy» jobasy sheńberinde Astana, Arqalyq, Ereımentaý, Qarqaraly qalalarynda, Kaspıı mańynda, jalpy 10-ǵa jýyq jel energııasy stansylaryn salýǵa bolatyn jerlerge aldyn ala zertteý jumystary júrgizilgen. Bul jerler týraly tolyq aqparatty atalǵan jobanyń resmı saıtynan tolyq alýǵa bolady.
«Bul zertteýler ınvestrlardyń kóńilin aýdarý, ıaǵnı Qazaqstandaǵy jel energııasy stansylarynyń qurylysyna qatysty óz jobalaryn ázirleý maqsatynda jasaldy», deıdi G.Droshın.
