2010 jyly Qazaqstanda Eýropa jylyn atap ótý múmkin be? - Prezıdentke joldanǵan saýal
ANA. Qarashanyń 4-i. QazAqparat /Gúlmıra Álıakparova/ - 2010 jyly EQYU-ǵa tóraǵalyq etý kezinde Qazaqstanda Eýropa jylyn atap ótý múmkin be?
Bul saýaldy Elbasy Nursultan Nazarbaevtyń tikeleı jeli arqyly halyqpen tildesýine oraı jumys istep jatqan Baılanys ortalyǵyna Oral qalasynyń turǵyny Zeıin Aıdynov joldap otyr, dep habarlaıdy QazAqparat.
«Qurmetti, Prezıdent! Biz Eýrazııalyq elmiz. Elimizdiń 2010 jyly EQYU-ǵa tóraǵalyq etýiniń mańyzy zor, múmkin biz ony áli tolyqtaı sezine almaı jatqan shyǵarmyz. Osy jyldan keıin biz Eýropany barynsha bilip, al Eýropaǵa bizdiń eldiń ereksheligin meılinshe túsinýge múmkindik týatyn shyǵar. Osy oraıda Eýropamen ekonomıkalyq, mádenı jáne gýmanıtarlyq qatynastardyń jandanýyna muryndyq bolý úshin, kelesi jyly Qazaqstanda Eýropa jylyn atap ótýdiń múmkindigi qandaı?», delingen atalmysh hatta.
