2010 jyly ınvestıtsııanyń belsendilik deńgeıi 2,7 paıyzǵa ósti - Sardar Qabdolov

Bul týraly búgin Almaty ákimdiginde qala basshysynyń tóraǵalyq etýimen ótken 2010 jyldyń áleýmettik- ekonomıkalyq damý qorytyndysyna arnalǵan keńeste Ekonomıka jáne bıýdjettik josparlaý basqarmasynyń bastyǵy Sardar Qabdolov aıtty.

Onyń aıtýynsha, ınvestıtsııalyq belsendilik deńgeıiniń artýy negizgi kórsetkishtiń biri bolyp tabylady. "2010 jyly qala ekonomıkasynda oń damý úrdisi qalyptasty. Negizgi kórsetkishter boıynsha ósim bar. Ónerkásiptik óndiris kólemi jyl qorytyndysy boıynsha 127 paıyzdy qurady. Ónimdi óńdeý ónerkásibiniń ósimi - 42 paıyz. Jańadan 58 óndiris orny paıda boldy. Almaty qalasynda aldyn ala esepteýler boıynsha 2010 jyly jalpy ónim óndirý 2,8 paıyz (3 264,2 mlrd.teńge) boldy. 2009 jylmen salystyrǵanda syrtqy saýda aınalymy da jaqsardy. Tómendeý qarqyny - 12,2 paıyzdy qurady, bul kórsetkish 2009 jyly 22,9 paıyzdy quraǵan bolatyn. Eksportqa ónim shyǵarý tómendegen joq, óz deńgeıinde qaldy. Bólshek saýda kólemi 6,5 paıyzǵa, kóterme saýda aınalymy 8,9 paıyzǵa artty. Ekonomıkanyń damýy kólik qyzmetiniń artýynan da kórindi. 2010 jyly júk tasymaldaý 15,6 paıyzǵa ósti. Turǵyn úıdi iske qosý qarqyny da joǵary boldy. Ótken jyly qala boıynsha iske qosylǵan turǵyn úı kólemi 1 055 myń sharshy metr. Eger aldyńǵy jyldary ınvestıtsııanyń basym bóligi jyljymaıtyn múlikke jumsalsa, 2010 jyly ekonomıkanyń naqtyly sektoryna jumsaldy. 2009 jyly ónerkásiptegi ınvestıtsııa úlesi 13,4 paıyzdy qurasa, jylmaıtyn múlikke onyń 26,3 paıyzy jusalǵan edi. Al, 2010 jyly bul kórsetkishter - 18,0 jáne 19,1 paıyzdy qurady.. Kásiporyndardyń jeke ınvestıtsııalary 10,8 paıyzdy quraıdy. Investıtsııanyń jalpy deńgeıinde memlekettik bıýdjettiń kólemi joǵary, 2010 jyly 40 paıyzdy qurap otyr",-dedi ol.

Osyǵan baılanysty qala ákimi jeke ınvestorlar tartý qajettigine nazar aýdarý kerektigin qadap turyp aıtty. «Biz jeke ınvestıtsııa úlesin arttyrýǵa tıispiz, al ol úshin ákimshilik kedergilerdi joıý qajet, sonda ǵana jaqsy ınvestıtsııalyq ahýal qalyptasatyn bolady», - dep atap ótti Ahmetjan Esimov.

Almaty ákimi durys ınvestıtsııalyq ahýal qalyptastyrý úshin naqtyly jospar jasaýdy tapsyrdy. «Lıtsenzııa, ruqsat qaǵaz berý men ónimderdi sertıfıkatsııalaý jáne standarttaý jumystaryn jeńildetý qajet. Kúni búginge deıin bıýdjettik baǵdarlamalar admınıstratorlary memlekettik qyzmet kórsetý úshin tizilimder men reglamentterdi ala almaı otyrǵanda jumys qalaı júrsin. Munyń barlyǵy memlekettik organdar jumysynyń tıimdiligin tómendetedi», - dedi qala basshysy Ahmetjan Esimov.

Sardar Qabdolov sonymen qatar: "10 jyl ishinde tuńǵysh ret qor bırjasyna mýnıtsıpaldy oblıgatsııalar tartyldy. Evropalyq qaıta qurý jáne damý banki nesıesiniń arqasynda jergilikti bıýdjet qarjylandyrylyp, osynyń nátıjesinde mýnıtsıpaldy avtobýs parki quryldy, sóıtip 200 avtobýs alyndy, olar tabıǵı gazben jumys isteıtin bolady. Al, «Qaztransgaz» jáne BG Kazakhstan qarjysy arqasynda gaz beketi quryldy. Ótken jyldyń aıaǵynda memlekettik kepildikke qol jetip, búgingi kúni 200 jańa trolleıbýs alý úshin nesıe kelisimi jasaldy", - dedi.

Onyń aıtýynsha, Almatynyń aımaqtyq úılestirý keńesi jyl qorytyndysy boıynsha kásipkerlikti damytýǵa kóńil bólý nátıjesinde 19 joba maquldanǵan, olardyń jalpy quny - 5 mlrd. teńge. "Budan ózge quny 288,7 mln. teńge bolatyn 2 joba da maquldandy", - dedi ol keńes barysynda.