2010 jyly elimizdiń turǵyn úı naryǵynda jandaný baıqaldy

Bul pikirdi búgin elordada ótken baspasóz máslıhatynda QR Statıstıka agenttiginiń tóraǵasy Álıhan Smaıylov bildirdi.

Onyń atap ótýinshe, turǵyn úı naryǵyndaǵy satyp alý baǵalary ósip keledi. Máselen, 2010 jyldyń sońynda jańa úılerdiń baǵasy 3,1 paıyzǵa, kórkeıtilgen úıler 3,8 paıyzǵa qymbattaı túsken.

«Sonyń ishinde Astana qalasynda turǵyn úıdi satyp alý-satý mámleleriniń sany 52 paıyzǵa ósim kórsetti. Al Almaty qalasynda kerisinshe 4 paıyzǵa kemidi», - dedi ol.

2008-2009 jyldary turǵyn úı baǵalary birshama quldyraǵanyn eske salǵan agenttik tóraǵasynyń aıtýynsha, ótken jyldyń 12 aıynda turǵyn úıdi satyp alý-satý mámileleriniń sany 139 myń 153-ti qurap, 17 paıyz ósim kórsetken.