2010 jyly elimizde búırek transplanttaýdyń 9 operatsııasy jasaldy
ASTANA. 1 sáýir. QazAqparat - Densaýlyq saqtaý mınıstrliginde Densaýlyq saqtaý vıtse-mınıstri E.Baıjúnisovtyń tóraǵalyǵymen Qazaqstan Respýblıkasynda tinderdi jáne múshelerdi trasplanttaý boıynsha medıtsınalyq qyzmetti damytý máseleleri jónindegi úılestirý keńesiniń kezekti májilisi ótkizildi.
Jıynǵa respýblıkalyq densaýlyq saqtaý uıymdarynyń basshylary jáne transplanttaý salasyndaǵy jetekshi mamandar qatysty, dep habarlady mınıstrliktiń baspasóz qyzmetinen.
Májilis barysynda transplanttaýdyń ózekti problemalary talqylandy, respýblıkada tinderdi jáne múshelerdi trasplattaý jónindegi odan aldaǵy baǵyttar anyqtaldy. Jumysshy toptardyń, sonyń ishinde HLA-zerthanalaryn jáne Gemopoetıkalyq diń jasýshalary donorlarynyń tizilimin qurý, transplantttaýdy damytýdyń odan arǵy perspektıvalary jáne is-sharalar jospary boıynsha esepter tyńdaldy.
Jalpy 2010 jyldyń qorytyndysy boıynsha respýblıkada týystyq donorlardan búırekti transtplanttaý boıynsha 9 operatsııa jasalǵan, sonyń ishinde Almaty qalasynda A.N. Syzǵanov atyndaǵy Hırýrgııa ulttyq ǵylymı ortalyǵynda 8 operatsııa jáne Astana qalasynda Respýblıkalyq jedel medıtsınalyq járdem ǵylymı ortalyǵynda 1 operatsııa jasaldy.
Budan basqa, 2010 jyldyń qarasha aıynda Respýblıkalyq jedel medıtsınalyq járdem ǵylymı ortalyǵynyń bazasynda respýblıkada alǵash ret gemablastozy bar patsıentke gemopoetıkalyq diń jasýshalaryn aýtologııalyq transplanttaý boıynsha operatsııa jasaldy. Osy maqsatqa arnalǵan gemopoetıkalyq diń jasýshalaryn ázirleý Astana qalasyndaǵy Transfýzıologııa ǵylymı-praktıkalyq ortalyǵynda júzege asyrylady.
