2010 jyly elimizde 2133 kásiporyn bankrot dep tanyldy
ALMATY. 28 qyrkúıek. QazAqparat /Erbol Azanbek/- 2010 jyly elimizde 2133 kásiporyn bankrot dep tanylǵan. Bul týraly QazAqparatqa «Qazbankrot» kompanııasynan habarlady.
Qazbankrottyń málimetinshe, kásiporyndardyń 90 paıyzy Salyq komıtetiniń usynysymen bankrot dep tanylǵan. Ótken jyly bankrot bolǵan kásiporyndardyń basym bóligi - astanalyq. Bunda 215, ekinshi oryndaǵy Almatyda 126, Atyraý men Mańǵystaý oblystarynda 50-55 kásiporyn bankrot bolǵan. Bul kásiporyndardyń basym bóligi (jalpy bankrot bolǵandardyń 33 paıyzy) halyq tutynatyn taýarlardy satý men qurylys salasynda qyzmet kórsetedi. Ekinshi orynda turmystyq tehnıkalar men jeke tutyný taýarlaryn jóndeý salasyndaǵy kompanııalar (20 paıyzy). Úshinshi orynda konsaltıngtik qyzmet kórsetýshi kompanııalar (19 paıyz).
