2010 jyly Bishkek qalasynyń qazaq kómirine degen suranysy 750 myń tonna boldy
BІShKEK. 24 jeltoqsan. QazAqparat /Arnur Rahymbekov/ - Beısenbi kúni Qyrǵyzstannyń Premer-mınıstri Almazbek Atambaev jumys keńesin ótkizip, keńes barysynda Bishkek jáne Osh qalalary jylý elektrstansalarynyń otynmen qamtamasyz etilý máselesi talqyǵa tústi.
Keńesti ashqan Premer-mınıstr A.Atambaev jınalǵan qaýym aldynda Bishkek jáne Osh qalalary JES-yna gaz jáne otyn jetkizý máselesin ózekti etip usyndy. «Bizdiń basty maqsatymyz - halyqty toqtaýsyz gaz jáne jylýmen qamtamasyz etý», - dem málim etti Almazbek Atambaev.
Odan keıin Qyrǵyzstan Respýblıkasynyń energetıka mınıstri Asqarbek Shádıev jyne «Qyrǵyzgaz» AAQ-nyń bas dırektory Turǵynbek Qulmyrzaev jylý jetkizý jaǵdaıy týraly aqparat berdi. Olardyń málimdeýinshe, bıylǵy jyly gaz jetkizýde qıyndyq týyndamaıdy. Qazirgi tańda gaz úshin Qyrǵyzstannyń Ózbekstan aldynda esh qaryzy joq. Keler jylǵa gaz jetkizý jónindegi aldyn ala ýaǵdalastyq bar.
«Dál qazir Ózbekstanmen qol qoıylǵan resmı kelesim joq, biz kelesi jylǵa gaz jetkizý jónindegi máseleni oıdaǵydaı sheshý joldary men ádisterin tabýymyz kerek», - dedi Almazbek Atambaev.
Qyrǵyzstan Úkimetiniń baspasóz qyzmeti habarlaǵandaı, 2010 jyldyń 22 jeltoqsanyndaǵy jaǵdaı boıynsha eldegi kómirdiń qalǵany 242,4 myń tonnany quraǵan.
Bishkek qalasynyń JES-da 2010 jylǵy jáne 2011 jyldyń 1 toqsanyndaǵy kómirge degen suranys kólemi 850 myń tonnany, sonyń ishindegi 750 myń tonnany qazaqstandyq jáne 100 myń tonnany qyrǵyz kómiri quraǵan.
