2010 jyly Azııanyń ekonomıkalyq ósimi álemde kósh bastaıdy - BUU-nyń ekonomıst sarapshylary
ASTANA. Aqpannyń 11-i. QazAqparat /Qanat Mámetqazyuly/ - 2010 jyly Azııanyń ekonomıkalyq ósimi álemde kósh bastaıdy.
BUU-nyń álemdik ekonomıka jáne 2010 jyldyń perspektıvalary atty baıandamasynda Uıymnyń ekonomıst sarapshylary osylaı atap kórsetip otyr, dep habarlaıdy QazAqparat.
BUU baıandamasyna qaraǵanda, 2010 jyly álemdik ekonomıka 2,4 paıyzǵa óse bastaıdy. Bul rette aǵymdaǵy jyly álemdik ekonomıkalyq ósimniń lıderleri Azııalyq ekonomıkaǵa tıesili bolatyny boljanady. BUU saraptamalaryna súıensek, Qytaı ekonomıkasy 2010 jyly 8,8 paıyzǵa, Úndi eliniń jalpy ishki ónimi 6,5 paıyzǵa artatyny kútiledi. Al damyǵan elderdiń ekonomıkasynyń qalpyna kelýi baıaý júredi. BUU ekonomısteriniń baǵalaýy boıynsha AQSh ekonomıkasy 2010 jyly 2,1 paıyzǵa, al Japonııa eliniń jalpy ishki ónimi 1 paıyzǵa ósedi dep boljanyp otyr.
