2010 jyly Astanada 74 myńǵa jýyq azamat tegin medıtsınalyq kómektiń kepildi kólemi sheńberinde statsıonarlyq kómek alady
ASTANA. Aqpannyń 26-sy. QazAqparat /Marlan Jıembaı/ - 2010 jyly Astanada 74 myńǵa jýyq azamat tegin medıtsınalyq kómektiń kepildi kólemi sheńberinde statsıonarlyq kómek ala alady.
Bul týraly búgin «Nur Otan» HDP-nyń Astana qalalyq fılıalynda «Astana qalasynda biryńǵaı ulttyq densaýlyq saqtaý júıesin engizý týraly» degen taqyryppen ótken dóńgelek ústel barysynda qalalyq densaýlyq saqtaý basqarmasy bastyǵynyń orynbasary Laýra Ahmetnııazova aıtty.
«Kepildi kómek úshin 7 533,6 mıllıon teńge, onyń ishinde qaıtadan engiziletin nysandarǵa da 1 5333,8 mıllıon teńge jumsaý qarastyrylyp otyr. Sonymen qatar, statsıonar almastyratyn kómek kórsetýdiń lımıti 23 144 aýrýǵa 231,4 mıllıon teńge somasynda belgilendi», dedi óz sózinde ol.
L.Ahmetnııazovanyń aıtýynsha, Biryńǵaı ulttyq densaýlyq saqtaý júıesi aıasynda joǵary mamandandyrylǵan medıtsınalyq kómekti ortalyqsyzdandyrý júrgizilgen. Atalǵan sharany iske asyrý úshin 10156,1 mıllıon teńge somasyndaǵy memlekettik tapsyrysty bas súıegi men mıyna zaqym kelgen balalardy emdeý maqsatynda №2 qalalyq balalar aýrýhanasy men qalalyq onkologııalyq dıspanser alǵan.
