2010 jyly «Alıansqurylysınvest» 3871 páterdiń kiltin tapsyrýdy josparlap otyr
ASTANA. Sáýirdiń 21-i. QazAqparat /Zarına Rysbaeva/ - 2010 jyly «Alıansqurylysınvest» barlyǵy 3871 páterdiń kiltin úleskerlerge tapsyrýdy josparlap otyr. Bul týraly búgin Astanada ótken baspasóz máslıhatynda «Alıansqurylysınvest úleskerleri» qoǵamdyq birlestiginiń tóraıymy Dámesh Ybraeva málim etti,
dep habarlaıdy QazAqparat.
«2010 jyly «Alıansqurylysınvest» barlyǵy 3871 páterdiń kiltin tapsyrýdy josparlap otyr. Olardyń 1335-i elordada jáne 2536-sy Astana mańyndaǵy «Lesnaıa polıana» turǵyn úı kesheninde ornalasqan. Al 2011 jyly 1458 páterdiń qurylysyn aıaqtaý josparlanýda», - dedi D.Ybraeva.
Taratylǵan málimetterge qaraǵanda, Astana mańyndaǵy «Lesnaıa polıananyń» úshinshi kezegindegi №10-11-shi úılerdiń páterleri bıylǵy jyldyń shilde aıynda, al 12-shi úı tamyz aıynda tapsyrylatyn bolady. Sondaı-aq osy turǵyn úı kesheniniń 4-shi jáne 5-shi kezekterin jyl sońyna deıin aıaqtaý kózdelip otyr. Al «Gratsııa» turǵyn úı kesheniniń 1-shi kezegi 2010 jyldyń shildesinde aıaqtalady.
«Bizdiń birlestik 2009 jyldyń qarashasynda quryldy. Negizgi jumysymyz - aıaqtalmaǵan nysandarǵa kómek kórsetip, «Samuryq-Qazyna» Jyljymaıtyn múlik qory» AQ men «ATF Bank» AQ tarapynan bólingen qarjynyń ıgerilýine baqylaý jasaý. Búgingi kúni astanamyzda eń birinshi bolyp páter kiltterin tapsyra bastaǵan «Alıansqurylysınvest» kompanııasy,- dedi birlestik tóraǵasy. Osy oraıda ol qurylys jumystaryn jandandyrýǵa qoldaý kórsetkeni úshin memleketke birlestik atynan alǵysyn bildirdi.
