2010 jyly 34 zań jobasy qaralady
ASTANA. Qańtardyń 2-si. QazAqparat /Marlan Jıembaı/ - Zań jobasy qyzmeti máseleleri boıynsha ótken vedomstvoaralyq komıssııanyń 7 otyrysynda 30 zań jobasynyń tujyrymdamasy qarastyrylyp, maquldandy jáne 2010 jyldyń josparyna engizildi. Barlyq jobalar boıynsha zańdyq jáne ǵylymı-quqyqtyq saraptama jasaldy.
Jospar jobasy Memleket basshysynyń tapsyrmasyn jáne QR-nyń 2010-2020 jyldar kezeńindegi quqyqtyq saıasatynyń tujyrymdamasyn esepke ala otyryp ázirlengen.
Zań jobasy jumystary josparyna 34 zań jobasyn óńdeý kiredi. Onyń 9-y derbes zań jobasy bolsa, 25-i qoldanystaǵy zańǵa túzetýler engizý bolmaq. Ótken jyldarmen salystyrǵanda 2010 jyly josparǵa engen zań jobalarynyń sany birshama azaıǵan. Atap aıtqanda, 2008 jyly 68, al 2009 jyly 45 zań jobasy qaralǵan bolatyn.
Zań jobasy jumystarynyń jospary QR Prezıdentimen kelisilgennen keıin qańtar aıynda bekitiledi.
